影片
更多
2023-12-08
12 瀏覽
肥仔細細個入元朗就食開薄荷葉呢間泰國嘢㗎喇。今日放工咁啱又喺元朗，好掛住佢個生菜包呀！所以放工就趕回來食餐勁嘅！🇹🇭肉碎生菜包🇹🇭肉碎炒得夠乾身，但又無流失肉汁。肉碎之外，加入咗辣椒粒、洋蔥粒、乾蔥碎、香茅葉碎一齊炒香，入口十分香辣惹味。生菜好新鮮爽口，爽住肉碎食好fresh 好開胃！🇹🇭冬蔭公湯🇹🇭湯入面嘅材料好，豐富，蕃茄、菇菌等都有好多舊，而且仲有4隻大頭蝦，好足料呢！湯汁嘅酸、甜、辣度都調較得剛好，唔會太重口但都好夠味，令人飲到停不了口！🇹🇭泰式炒金邊粉🇹🇭金邊粉炒得好好，唔會油淋淋，但又唔會好乾。蛋包住成個粉令佢可以keep住岀爐嘅熱辣辣温度，配上酸酸甜甜嘅醬汁好開胃，四角也有不少配料，砂糖，辣椒粉，花生，芽菜。佢哋都好細心將幾隻蝦串埋咗佢，唔洗剝殼唔洗整污糟手。🇹🇭清邁蕉葉燒魚🇹🇭即叫即燒嘅菜，係最後一道菜。送上嚟嘅係一條完整嘅馬友魚，魚肉鮮甜且濃，魚味突出，蕉葉包住令魚肉juicy滑溜唔會乾，齒頰留香！齋食魚已好好食，但點上附上嘅豉油加青檸汁味道就更上一層樓！大推呢道菜！🍻益力多啤酒🍻益力多可以減少啤酒嘅苦味 ，即使係飲唔到啤酒嘅人都可以飲到 ！呢個好特別呀！總結，環境夠
🇹🇭肉碎生菜包🇹🇭
肉碎炒得夠乾身，但又無流失肉汁。肉碎之外，加入咗辣椒粒、洋蔥粒、乾蔥碎、香茅葉碎一齊炒香，入口十分香辣惹味。生菜好新鮮爽口，爽住肉碎食好fresh 好開胃！
🇹🇭冬蔭公湯🇹🇭
湯入面嘅材料好，豐富，蕃茄、菇菌等都有好多舊，而且仲有4隻大頭蝦，好足料呢！湯汁嘅酸、甜、辣度都調較得剛好，唔會太重口但都好夠味，令人飲到停不了口！
🇹🇭泰式炒金邊粉🇹🇭
金邊粉炒得好好，唔會油淋淋，但又唔會好乾。蛋包住成個粉令佢可以keep住岀爐嘅熱辣辣温度，配上酸酸甜甜嘅醬汁好開胃，四角也有不少配料，砂糖，辣椒粉，花生，芽菜。佢哋都好細心將幾隻蝦串埋咗佢，唔洗剝殼唔洗整污糟手。
🇹🇭清邁蕉葉燒魚🇹🇭
即叫即燒嘅菜，係最後一道菜。送上嚟嘅係一條完整嘅馬友魚，魚肉鮮甜且濃，魚味突出，蕉葉包住令魚肉juicy滑溜唔會乾，齒頰留香！齋食魚已好好食，但點上附上嘅豉油加青檸汁味道就更上一層樓！大推呢道菜！
🍻益力多啤酒🍻
益力多可以減少啤酒嘅苦味 ，即使係飲唔到啤酒嘅人都可以飲到 ！呢個好特別呀！
總結，環境夠chill，食物同特飲都好味有特色，元朗人泰菜100分之選！
張貼
