影片
更多
2025-04-14
79 瀏覽
作為大西北之友，每次出九龍香港都要預成個鐘車程，有時想簡單慶祝一下，真係未必想走咁遠。今次喺元朗搵到呢間高質西餐廳Chef’s Stage Kitchen，食完真係有驚喜，環境又靚，啱哂情侶拍拖或者同朋友家庭聚會。Dinner Set for 2 $698🥖餐前麵包麵包煙韌鬆軟，表面焗得微脆，配埋微酸千島醬汁一齊食幾開胃。🥗是日沙律鹹香火腿配水牛芝士，拌埋香草沙律醬，沙律菜新鮮，味道清新，份量剛好。🥣酥皮周打海鮮湯（加$46）一上枱熱辣辣，酥皮焗到金黃脆卜卜，完全唔油膩。湯底奶香濃郁，入面有唔同種類嘅海鮮，鮮味突出，飲完一啖接一啖。🥩法式生牛肉他他伴黑魚子鵪鶉蛋及法包牛肉切得幼滑，調味唔重手，保留到原始鮮味。加埋蛋黃撈勻一齊食，口感更順滑，黑魚子微微鹹香，加分不少。🦀鮮藍蟹肉及蘆筍燴意大利飯配鮮蝦頭膏每啖都食到真蟹肉，仲有蘆筍粒增加層次。啲飯吸收晒蝦膏嘅海鮮精華🤤，香濃得嚟又唔過鹹，飯粒唔腍，保留咗正宗意大利口感。🥩🦞炭燒美國肉眼配焗波士頓龍蝦尾（加$98）肉眼好重炭燒香味，三成熟煎得剛好，咬落好軟嫩，肉味濃郁。龍蝦尾已經去殼，好貼心，食起嚟非常方便，肉質爽彈，仲有龍蝦牛油汁點綴，提升
Dinner Set for 2 $698
🥖餐前麵包
麵包煙韌鬆軟，表面焗得微脆，配埋微酸千島醬汁一齊食幾開胃。
🥗是日沙律鹹香火腿配水牛芝士，拌埋香草沙律醬，沙律菜新鮮，味道清新，份量剛好。
🥣酥皮周打海鮮湯（加$46）一上枱熱辣辣，酥皮焗到金黃脆卜卜，完全唔油膩。湯底奶香濃郁，入面有唔同種類嘅海鮮，鮮味突出，飲完一啖接一啖。
🥩法式生牛肉他他伴黑魚子鵪鶉蛋及法包牛肉切得幼滑，調味唔重手，保留到原始鮮味。加埋蛋黃撈勻一齊食，口感更順滑，黑魚子微微鹹香，加分不少。
🦀鮮藍蟹肉及蘆筍燴意大利飯配鮮蝦頭膏每啖都食到真蟹肉，仲有蘆筍粒增加層次。啲飯吸收晒蝦膏嘅海鮮精華🤤，香濃得嚟又唔過鹹，飯粒唔腍，保留咗正宗意大利口感。
🥩🦞炭燒美國肉眼配焗波士頓龍蝦尾（加$98）肉眼好重炭燒香味，三成熟煎得剛好，咬落好軟嫩，肉味濃郁。龍蝦尾已經去殼，好貼心，食起嚟非常方便，肉質爽彈，仲有龍蝦牛油汁點綴，提升咗整體鮮味，好滿足。Side dish嘅薯菜都烤得好香甜，一啲都唔求其👍🏻
🍰提拉米蘇 （加$48）一入口就感受到香濃酒香，但又唔會搶走咖啡味，甜度啱啱好，口感輕盈滑溜，係一個好收尾。
🍸Blue Lagoon （加$58）🍹Tropical Forest（加$48）
今次整套Dinner Set真係幾有誠意，每道菜都睇得出用心設計，味道有層次、用料又靚。餐廳走紅磚工業風設計，空間感十足，無論拍拖定同屋企人朋友嚟都夠舒服。如果喺元朗想搵間質素高啲嘅西餐廳，呢度絕對值得一試。
張貼
