影片
更多
2023-01-05
1167 瀏覽
去元朗買新年用品，行完買一袋二袋，去食個快的午飯。行兩條街就有牛腩麵，就入去食，5：00 又未好多人，門面光猛，都好乾淨。服務員又笑容滿面。同家人兩個麵一個飯，咖哩牛腩飯$42好惹味呀，薯仔入味又夠淋，咖喱小小辣好好送飯呀，成碟清晒。仲有價錢真係好抵食。崩沙牛腩拼牛肚，湯底清甜，蘿蔔好甜，炆得夠淋，牛腩肥瘦均勻，有咬口又帶點淋，有牛肉味。牛肚非常出色，入味又彈牙。雲吞好大粒，入面蝦彈牙爽口。加炸魚皮$20，又脆又新鮮。另外健康啲，叫左油菜生菜。3 個人$200 好抵。
行兩條街就有牛腩麵，就入去食，5：00 又未好多人，門面光猛，都好乾淨。服務員又笑容滿面。
同家人兩個麵一個飯，咖哩牛腩飯$42好惹味呀，薯仔入味又夠淋，咖喱小小辣好好送飯呀，成碟清晒。仲有價錢真係好抵食。
崩沙牛腩拼牛肚，湯底清甜，蘿蔔好甜，炆得夠淋，牛腩肥瘦均勻，有咬口又帶點淋，有牛肉味。牛肚非常出色，入味又彈牙。
雲吞好大粒，入面蝦彈牙爽口。
加炸魚皮$20，又脆又新鮮。
另外健康啲，叫左油菜生菜。
3 個人$200 好抵。
張貼
