漁師兄

營業中

休息中

喺凍冰冰嘅日子，一碗熱湯足夠我老懷安慰。捧於掌心，唔捨得放手。之前分享過我本人唔食粉麵，除非有好食嘅牛腩加持，呃......其實仲有另一個破例情況，就係魚魚魚魚湯嘞！牛肉係我最愛，排第二位就係魚魚魚！所以魚湯米線係我心目中有privilege嘅地位。回憶中世一魚湯米線喺荃灣，至於近少少想食都要跨區入到元朗。相比平時食開嘅魚湯米線餐廳有啲唔同，冇preset好嘅菜單，只要揀好想魚嘅咩部位，再車仔麵式自選其他餸菜配料。至於魚湯除咗招牌鮮魚湯，亦有蕃茄魚湯、芫荽皮蛋湯同麻辣魚湯等option。Round-up咗個menu，味道方面呢我覺得對魚有情意結嘅朋友會幾鍾意，因為好難得可以食到魚咀、魚鮫等特別位；至於奶白色嘅魚湯味道可以，略帶魚嘅鮮香，個人認為可以再濃啲添！大家如果嚟食，建議必試佢個孜然骨同椒鹽雞軟骨，惹味指數！