PAUSE IT

營業中

休息中

呢排放假日日同屋企人周圍搵好嘢食下午茶，今日就嚟到Yoho MIX！一入場就被咖啡香勾住，見到間咖啡店大排長龍，望落咁受歡迎，二話不說即刻去排隊！成間店純白色裝修，配上英倫復古圖書館嘅設計，打卡影相一流！一邊等位一邊周圍影相，分鐘以為自己去咗外國！我哋叫咗個套餐，仲可以揀沙律或者餐湯，好貼心！個香煎帶子墨魚汁燴意大利飯真係令人一試難忘！帶子煎到外層金黃，咬落去鮮嫩多汁，墨魚汁香濃creamy，完全滲透喺每一顆意大利飯粒入面，食到成嘴都係黑色，但味道真係正到唔捨得停口！跟餐嘅香茅甘薑茶又夠清新，啱晒中和飯嘅濃郁感。煙三文魚牛油果班尼迪克蛋都好出色！班尼迪克蛋切開嘅瞬間，蛋黃緩緩流出，混合住嫩滑嘅牛油果同鹹香嘅煙三文魚，再夾埋底下脆卜卜嘅多士，層次豐富到爆！最正係竹炭鮮奶咖啡，竹炭粉令咖啡多咗一份獨特香氣，配埋綿密鮮奶，入口順滑，完美解決我嘅咖啡癮！呢間店環境靚、食物好，真係好值得再嚟！下次放假一定要帶埋朋友嚟試吓！