永年士多 (寶城洋樓)

營業中

休息中

區外友人入左黎元朗，話想試下元朗地度野，諗左陣，不如去食永年，裝修後自己都無食過。午餐時段黎到，好多人好多學生，人龍一路排到去豐樂里。流水式作業，又唔係等左好耐咋喎，一條排隊買野，一條排隊拎，人多仲可以入去搵定位，一、兩位要撘枱都好快。三餸麵（$35），加餸每樣（$8），今時今日已經係公價黎，要了一碗車仔麵少辣同紅豆奶茶。先試個豬腸，雖然好肥，但咬落去又唔覺膩，好入味。再黎係豬紅，結實但不失嫩滑，略甜了點。跟住仲有蘿蔔，呢個勁正，鮮甜無渣，蘿蔔仲有佢自身味道，無醃得過份。麵條方面要了油麵，彈牙，吸湯一流。湯亦清甜，食完都無口渴，倒是那個咖哩汁不得了，要了少辣都好辣下，哈哈，但無辣又唔好味嘛。加了紅豆奶茶，跟麵要奶茶咖啡都要加$10，特飲都係加$12，感覺上抵啲奶茶香滑，紅豆軟腍微甜，隔離位先生都係叫呢杯，佢同樣大讚呢。雖然好多人都話舊時嘅永年好味啲，不過唔記得了，個人覺得而加都好味喎。