新記煲仔雞粥 (已結業)

食雞粥，搵新記，食乳鴿，搵新記。新記好多間分店，但唯獨元朗的新記煲仔雞粥係我最推薦的。鋪名係煲仔雞粥，顧名思義就當然要必食呢度既煲仔雞粥啦。今次就同朋友二人，點了貴妃雞粥同埋馳名的紅燒元朗脆皮乳鴿，另外點份前菜海蜇手撕雞，仲點了份蝦醬炒通菜，咁就份量剛剛好啦。食物好快送到，首先這個煲仔貴妃雞粥真係煲得好綿好滑，而貴妃雞的口感仍然十分嫩滑，出名係有原因的，來呢度就真係必食之選。紅燒元朗脆皮乳鴿係我想吃的，沒想到做得出色，背負的起元朗脆皮乳鴿的稱號，外脆的乳鴿加上彈牙的肉質，值得一試。海蜇手撕雞份量其實也蠻多，這個海蜇脆脆的十分爽口，手撕雞口味夠香，十分開胃。喜歡這裡的蝦醬炒通菜，通菜不老，蝦醬口味也夠濃郁，好吃。最後飲返杯豆漿，慢慢食慢慢嘆，最好不過的選擇。