呢間被元朗街坊力推、號稱「全元朗最好食」嘅燒味鹵家，真係冇令人失望！家庭式經營好有溫度，大廚退休前係星級酒店師傅，手藝夠晒硬淨；樓面由太太親力親為，態度親切。所有菜式每日新鮮整，鹵味、燒味款款受歡迎，價錢仲好相宜，返工放學過嚟食餐真係抵！
必點招牌菜
•秘味鹵水鵝：鹵汁滲透每一寸肉，鵝肉嫩而不柴，鹵香濃郁又不膩，食過返尋味。
•海哲醉鴨舌：醉香清新，鴨舌爽脆彈牙，配海哲嘅爽口感，開胃又惹味。
•手拍青瓜：簡簡單單最考功力，青瓜爽脆，调味鹹香帶微辣，解膩一流。
仲有每日新鮮熬製嘅住家老火湯，今日飲到合掌瓜煲栗子，湯汁清甜，材料足料，飲完個肚暖笠笠，完全係屋企湯嘅味道，舒服到心底！
