影片
更多
2023-03-21
58 瀏覽
終於喺元朗發掘到一間有生滾粥，又有小炒嘅餐廳，兩個唔啦更嘅類別，味道同樣出色😋 呢度嘅生滾粥可以加唔同配料，例如肉丸、碎牛、豬紅、蠔仔、泥猛、蟹、艇仔….多到記唔曬，叫個貴妃粥加及弟，雙重享受。貴妃雞加綿滑粥底，及弟其實係啲豬內臟，就憑豬潤嘅爽滑嫩足以決高下。食粥配油炸鬼腸粉係無敵組合，估唔到一條咁普通嘅油炸鬼都有得講吓🤣熱辣辣脆卜卜，唔係洩氣㗎。鮮蝦腸粉隻蝦大又爽，誇張啲講仲粗過隻筷子。唔使被迫食粥嘅選擇都好多，有小炒、燒味、麵餐都有。先來一份蜆介鯪魚球，表面睇落摷曬皮仍有濕潤感覺，尚算大粒Q彈口感滲出肉汁，食曬鯪魚球嘅碟底都無乜油，而蜆介目測至少有三隻。菠蘿咕嚕肉，啖啖都係肉，沒有丁點肥糕，酸甜味恰好，重料之外仲係用新鮮嘅菠蘿。最後紅燒元朗脆皮乳鴿，size比我平時食嘅大隻小小，肉厚骨薄，味感頗濃。如果我下次再嚟，要留肚食甜品，養顏蛋白杏仁茶好吸引呀！可惜今次無預計份量係咁大碟，食完正餐都飽飽😎
呢度嘅生滾粥可以加唔同配料，例如肉丸、碎牛、豬紅、蠔仔、泥猛、蟹、艇仔….多到記唔曬，叫個貴妃粥加及弟，雙重享受。
貴妃雞加綿滑粥底，及弟其實係啲豬內臟，就憑豬潤嘅爽滑嫩足以決高下。食粥配油炸鬼腸粉係無敵組合，估唔到一條咁普通嘅油炸鬼都有得講吓🤣熱辣辣脆卜卜，唔係洩氣㗎。
鮮蝦腸粉隻蝦大又爽，誇張啲講仲粗過隻筷子。
唔使被迫食粥嘅選擇都好多，有小炒、燒味、麵餐都有。
先來一份蜆介鯪魚球，表面睇落摷曬皮仍有濕潤感覺，
尚算大粒Q彈口感滲出肉汁，
食曬鯪魚球嘅碟底都無乜油，而蜆介目測至少有三隻。
菠蘿咕嚕肉，啖啖都係肉，沒有丁點肥糕，酸甜味恰好，重料之外仲係用新鮮嘅菠蘿。
最後紅燒元朗脆皮乳鴿，size比我平時食嘅大隻小小，肉厚骨薄，味感頗濃。
如果我下次再嚟，要留肚食甜品，養顏蛋白杏仁茶好吸引呀！可惜今次無預計份量係咁大碟，食完正餐都飽飽😎
張貼
