士林台灣麵

營業中

休息中

係元朗搞完身份證，因為搞左好耐都好肚餓，於是諗住係附近隨便搵間餐廳食個飯就算。行返出去果陣經過左呢間餐廳，見到有好多人排緊隊，心諗應該唔差！反正都餓左咁耐，唔差在餓多一陣，於是就去左排隊。咁好彩我一個人食，等左唔係好耐就有位。坐低左拎住個餐牌真係唔知食咩好，樣樣睇落都好似好好味咁，突然出現左選擇困難症！最終係揀左雞扒麵。上菜速度都叫快，落完Order唔洗10分鐘就有得食。一泥就見到塊雞排勁大塊，食落外脆內嫩，非常之好食！唔怪得見到周圍既人大部分都食雞排面，唔係無原因咖！另外面就算係爽身，唔錯。湯底就幾香幾濃，所有野加埋一齊真係一流！咁台灣面店又點少得台灣特飲珍珠奶茶，但係飲落味道真係好普通，無咩特別，反而仲有少少失望。