THE DIAMOND RESTAURANT

營業中

休息中

住左元朗好多年既人應該對舊嗰間寶石餐廳好熟悉，最近大裝修改名DIAMOND，裝修超靚、浪漫又大方！我同男朋友去試新野，揀咗佢哋嘅二人餐，只係498蚊，超抵！啲套餐包括前菜、湯、甜品、主菜同飲品。胡麻核桃煙肉羅馬生菜沙律/自家醃製挪威三文魚三文魚係薄切既，肉質嫩滑，帶有油脂香味。胡麻醬香氣幾出，加埋堅果本身既香味同生菜小清新加埋係個幾FRESH既前菜。炭燒美國牛肋骨嫩滑多汁，炭燒香氣超級誘人，平日比較少食牛肋骨，炭燒牛肋骨的牛肉香味比起一般牛排更加濃厚，男朋友仲大讚連住骨個層筋膜好好食。卡邦尼意粉味道同一般市面上既卡邦尼差不多，醬汁比較濃郁，意粉夠彈牙。意大利奶凍喱個意式奶凍好清新，奶香味重，食到有雲呢拿籽，唔算太甜，好岩口味。$498有咁多野食都算係好超值，絕對係區內少有。