影片
更多
2024-07-30
679 瀏覽
週未約埋朋友去元朗牛舞食燒肉火鍋放題，就係貪佢可以兩個爐同時一邊燒一邊涮。除咗肉類亦食到蔬菜，感覺都健康啲。佢哋嘅放題分3個價位，我哋就揀咗食日式薩摩和牛放題，原價$638@可以食足120分鐘，但依家餐廳做緊優惠有85折，早鳥(19:30前離座)仲有額外9折添。個日式薩摩和牛放題有成141品，當中包括咗6款鹿兒島薩摩和牛、5款樂天澳洲和牛、多款海鮮同其他肉類，仲有蔬菜、丸類、前菜、炸物、串燒、甜品任食同飲品任飲。餐廳會先上一份薩摩和牛拼盤，入面有齊咁多款薩摩和牛，款款賣相都好吸引，油花分佈平均，其中有5款可以用嚟燒，1款就用嚟做shabu shabu 。薩摩牛牛肩胛肉同油脂嘅比例最平均，食落最腍。薩摩牛牛腹肉，油脂比較多，所以油香比較重。而薩摩牛牛肋條肉味就最濃郁。仲有一口size嘅薩摩牛和牛粒同非常入味嘅薩摩壺漬牛肋條。涮涮鍋我哋揀咗黑松露牛骨湯做鍋底，入面有唔少菇菌做配料。涮涮鍋主打當然係食薩摩牛牛肩胛薄切，比起燒肉，食落冇咁油膩，肉質更加腍身，仲可以點溫泉蛋蛋汁一齊食，肉味更加濃郁。海鮮類都係以燒烤為主，亦有唔少貴價食材，好似有白鱔、甲羅燒、磯煮鮑魚、蒜香牛油帆立貝、香草芝士燒生
個日式薩摩和牛放題有成141品，當中包括咗6款鹿兒島薩摩和牛、5款樂天澳洲和牛、多款海鮮同其他肉類，仲有蔬菜、丸類、前菜、炸物、串燒、甜品任食同飲品任飲。
餐廳會先上一份薩摩和牛拼盤，入面有齊咁多款薩摩和牛，款款賣相都好吸引，油花分佈平均，其中有5款可以用嚟燒，1款就用嚟做shabu shabu 。薩摩牛牛肩胛肉同油脂嘅比例最平均，食落最腍。薩摩牛牛腹肉，油脂比較多，所以油香比較重。而薩摩牛牛肋條肉味就最濃郁。仲有一口size嘅薩摩牛和牛粒同非常入味嘅薩摩壺漬牛肋條。
涮涮鍋我哋揀咗黑松露牛骨湯做鍋底，入面有唔少菇菌做配料。涮涮鍋主打當然係食薩摩牛牛肩胛薄切，比起燒肉，食落冇咁油膩，肉質更加腍身，仲可以點溫泉蛋蛋汁一齊食，肉味更加濃郁。
海鮮類都係以燒烤為主，亦有唔少貴價食材，好似有白鱔、甲羅燒、磯煮鮑魚、蒜香牛油帆立貝、香草芝士燒生蠔、虎蝦、鹽燒多春魚等等。燒過嘅白鱔外皮香脆肉質爽嫩，甲羅燒啖啖蟹膏蟹肉勁鮮味，帆立貝同生蠔水嫩多汁。
食飽仲可以燒菠蘿食，菠蘿酸酸甜甜，一口落去就爆汁。另外仲有日本雪糕、雪條同雪米糍等甜品。
。
。
牛舞日本燒肉‧涮涮鍋放題 (元朗)
元朗元龍街9號形點 I L1樓1073號舖
。
。
張貼
