新南苑私房菜

營業中

休息中

幫襯咗好多年的新南苑，最近搬咗去尖沙咀，位置非常方便，鄰近地鐵站，行幾分鐘就到達。呢度提供全部任食套餐，時間仲長達180分鐘可以慢慢食，而且仲有不同時段的優惠。如果一大班人我建議選擇獨立房間，有六位至12位房都有，個別房間仲有洗手間，卡拉OK，仲有得打通，享用房間只要在餐牌上套餐每位加多$20，真抵。我今晚揀選了大滿貫餐，任點任食 $798海鮮類海鮮有鮑魚，波士頓龍蝦🦞，生蠔, 大蝦，大蜆等等，食材非常新鮮，鮮味無窮。A4 黑毛和牛, 本地手切牛頸脊，澳洲草飼封門柳，安格斯牛小排等等。A4和牛，肉質鮮嫩，雪花平均，食多幾碟都回本😂時令海鮮刺身拼盤牡丹蝦，鮑魚，帶子等刺身，相當鮮甜。喺呢度梗係要食出名雞煲，辣度可以自己選擇，雞肉鮮嫩，醬汁洋蔥非常惹味。飲品有幾個大雪櫃，樽裝汽水，冰茶，款式都有十多款，仲有餐牌上數十種款式食物任點任食。我覺得食優質打邊爐，這間是首選。呢度仲開到凌晨兩點，好適合睇波人士。