龍城冰室

營業中

休息中

同朋友喺銅鑼灣崇光百貨行街，行到有啲肚餓，知道謝斐道附近好多餐廳，所以去咗嗰度搵嘢食。見到呢間冰室好似係新開嘅，所以入去試下。餐廳嘅環境比一般茶餐廳優質，比較寧靜，座位比較寬敞，裝修有幾分格調，坐落都幾舒服。我點咗蒜香菠菜大蝦意粉，蝦有兩隻，比較易剝。意粉嘅份量多，賣相都幾吸引，意粉比較爽身，唔算好多汁。曾經猶豫過揀大蝦意粉定係三文魚意粉。大蝦意粉望落去吸引啲，不過下次有機會都想試下三文魚。朋友就點咗咖哩班扒飯，餐牌寫住招牌秘製馬來咖哩，好似好特別，所以點咗。冇令人失望，咖哩唔會好辣但係好香口，配飯一流，賣相亦都吸引。另外加18蚊可以點原隻花膠冬菇雞煲，用料豐富。呢個係晚市優惠嚟嘅，以呢個價錢食到海味真係超級抵食。嘢飲方面，點咗紅豆冰。最後埋單兩個人加埋180蚊，喺銅鑼灣旺區嚟講都幾抵食。