牛大人台灣火鍋吃到飽 (瓊華中心) (已搬遷) 新店位置

天氣涼涼地，又想吃到飽，一定要揀任食火鍋，決定去牛大人。每次去都要等位，好彩預約左先，等左10分鐘先入去。餐廳環境乾淨企理，座位舒適。主打台灣地道特色火鍋，價錢好實惠。湯底選擇好多，價錢實惠，兩個鐘頭任食，好抵食。除火鍋湯底，還有不少台灣在地小食。醬料選擇多，湯底足料，台味地道。還有不少台灣飲料，鍾意食台灣料理唔好錯過。上餐速度都好快，唔怕漏單，有誠意。我地揀左#台灣鳳梨雞鍋，十分養生滋補，每位會贈送澳洲M9和牛牛丸2粒，牛丸爆曬汁。#花膠非常厚身，含豐富骨膠原。推薦大家叫#澳洲和牛M5 牛肩卷、#安格斯牛小排同手切#封門柳，三款肉類牛香味濃，油脂分布均勻！海蝦同新鮮沙白亦係必點之選，好正~黎食牛大人又點少得叫台灣小食，#梅甘酥脆薯、#小香腸、#糖醋甜不辣、#士林鹽酥雞、#鬼馬老油條，都好好食。飲品方面，除左出面自助區既飲品外，另外我地重試左#酸梅湯，酸酸甜甜，好開胃。