醒辰冰室 (東匯坊) (已結業)

今日嚟到位於鰂魚涌附近嘅醒辰冰室食飯，餐廳雖然啱啱新開無耐，但我見到今晚都幾多人嚟食。餐廳嘅價錢定位非常之親民，平均六七十蚊都可以食到一個晚飯。龍蝦濃湯龍蝦湯入口唔會太過鹹，仲有蝦嘅鮮甜味。周打魚湯呢個湯入口味道冇龍蝦湯咁濃，啱晒唔想食咁濃味嘅人。芝士焗澳洲帶子帶子又大又鮮甜，連埋焗熔咗嘅芝士一齊食，真係好滋味。烤法國春雞春雞外皮又香又脆，皮下脂肪又唔會太過多，雞肉經過調味之後變得非常之入味。北寄貝蘑菇白酒汁意粉白酒汁入口亦都唔會太過肥膩，連埋北寄貝一齊食，有淡淡的北寄貝鮮味。整體來講，餐廳嘅定價夠晒平，食物分量又大又抵食，唔怪之得咁多人嚟食。