影片
更多
2017-11-03
110 瀏覽
泰國菜總係百吃不厭~~~亞萊泰都係食過唔少次既泰菜,係九龍灣同黃大仙都食過, 今次係天水圍都開埋分店原來!!泰式沙律中我最中意就係柚子律同青木瓜沙律, 呢到青木瓜絲好清爽, 切得粗幼適中, 撈左泰式辣醬更加開胃, 我唔係個食得辣既人,但呢到既辣味令人好過癮~ 花生又係另一個重點, 夾埋令人食唔停口! 米紙捲有兩款, 平時常見就係軟殼蟹同牛油果, 所以揀左豬頸肉鮮蝦, 估唔到咁大份, 四大捲每個都好重手, 夾起都覺得重, size近乎平時出面既double, 因為原來除左檬粉之外, 呢款都有牛油果, 所以材料好豐富, 個皮又好厚韌, 食完都覺得飽飽地, 豬頸肉即使係饀料都食出佢夠爽, 反而蝦比較薄身就味道偏淡, 記得要點醬, 鮮味更加提升呢!!!!泰國野點少得海南雞, 本身想點半隻海南雞, 不過被下面同樣價錢既芭堤雅燒雞吸引左, 決定試下佢~ 八十五蚊有半隻, 兩人食就岩岩好, 雞燒得非常香口, 皮脆身之餘更將D雞油份迫出, 雖然有D油膩, 但最令我滿意係焦香度十足, 不過燒雞要預早D叫因為即刻燒, 都要等幾個字架~ 個人推介呢個多過海南雞呢! 明爐魚平時出去叫都百五蚊以上, 但我都會叫
泰式沙律中我最中意就係柚子律同青木瓜沙律, 呢到青木瓜絲好清爽, 切得粗幼適中, 撈左泰式辣醬更加開胃, 我唔係個食得辣既人,但呢到既辣味令人好過癮~ 花生又係另一個重點, 夾埋令人食唔停口!
米紙捲有兩款, 平時常見就係軟殼蟹同牛油果, 所以揀左豬頸肉鮮蝦, 估唔到咁大份, 四大捲每個都好重手, 夾起都覺得重,
size近乎平時出面既double, 因為原來除左檬粉之外, 呢款都有牛油果, 所以材料好豐富, 個皮又好厚韌, 食完都覺得飽飽地, 豬頸肉即使係饀料都食出佢夠爽, 反而蝦比較薄身就味道偏淡, 記得要點醬, 鮮味更加提升呢!!!!
泰國野點少得海南雞, 本身想點半隻海南雞, 不過被下面同樣價錢既芭堤雅燒雞吸引左, 決定試下佢~
八十五蚊有半隻, 兩人食就岩岩好, 雞燒得非常香口, 皮脆身之餘更將D雞油份迫出, 雖然有D油膩, 但最令我滿意係焦香度十足, 不過燒雞要預早D叫因為即刻燒, 都要等幾個字架~ 個人推介呢個多過海南雞呢!
明爐魚平時出去叫都百五蚊以上, 但我都會叫, 今次見到原來做緊優惠, $78就有一條, 望下隔離枱都好大條, 即刻叫啦!!! 極速上枱…可能因為做緊優惠所以一早就整好哂唔洗等, 個火好猛所好快滾就食得。
雖然係半價左, 但鳥頭依然厚肉而且新鮮, 啖啖肉, 魚肉有嚼勁之餘一路滾住唔會令佢過熟, 明爐魚另一重點係青檸等調味, 相比起平時食呢到酸味濃郁, 反而辣味會少啲, 底部有唔少菜,酸酸地連埋魚肉食又係食唔停, 呢個價錢真心超值….唔知個優惠係咪成日個冬天都會做?! 優惠仲有二十八蚊串燒, 不過兩個人就只可以享用其中一款~
叫返個椰青, 冰涷又夠清甜, 無得輸~~~
張貼
