一休(居食屋)日本料理 (38廣場)

營業中

休息中

今日同幾個朋友去咗旺角食飯，想食得清淡啲，於是就揀咗日本嘢，見到呢間價錢唔算好貴，舖頭嘅裝修都唔錯，所以就入咗去試下。個人最鍾意食有牛油果嘅壽司，因為有creamy嘅口感，拍得住魚生。所以叫咗一客牛油果軟殼蟹，一客有六件，入邊嘅軟殼蟹新鮮炸起，所以脆卜卜，香脆嘅口感加上牛油果嘅順滑，再配上沙律醬嘅調味，口感豐富，唔需要額外點豉油都已經好好食。另外叫咗個鐵板牛同埋牛舌串燒，兩款都唔錯，烹煮煮嘅時間啱啱好，牛肉唔會乾柴，充滿肉汁。魚生刺身同其他食物正常發揮，價錢親民。