圓鐵板燒

營業中

休息中

今晚去奥海城行街，行完見肚餓就入左奥海城内的大食代搵野食。咁岩見到<圓鐵板燒>唔洗點排隊， 就決定食呢間！前面有四個人等四人枱，我地行去門口排隊，等左十分鐘左右，有張兩人枱，我地兩人可入去，入去前店員一早俾定menu 我地睇，一入去已經可落order ，我地嗌左個$488蚊的龍蝦和牛二人餐，一份二人套餐已包時菜、白飯、餐湯。我地另加12元汽水2罐。先來左餐湯及蒜蓉炒油麥菜，D菜食落爽口，味道可收。不過呢度用油麥菜作炒時菜的確特别，如果炒芽菜我會更喜歡。第一道菜龍利柳味道幾好.時間恰到好處，食落去口感唔會死實實，肉質軟滑，有D驚喜。蜜桃雞扒~普通左D，雞扒尚算可以和牛我地點選五成熟，以蒜粒一齊炒，碟邊有黑椒及鹽粒點食，肉質唔韌，咬落仍帶肉汁，夾蒜粒一切食非常美味。到主角龍蝦先生，龍蝦煮熟後有咬口。而且肉質很新鮮，炒時師傅加左D海鹽吊味，味道剛剛好。呢間鐵板燒以質素同D貴價鐵板燒去比一定冇得比，但咁既價錢，佢已經做到超值.唔差。