一休(居食屋)日本料理 (38廣場)

營業中

休息中

呢間餐廳已經係第二次幫襯，因為估唔到旺角會有價錢咁親民既日本居酒屋。佢係朗豪坊附近，地方超闊落岩哂成班人聚會。佢用手機qr code落單，好方便唔會漏單！最緊要價錢一啲都唔貴，點左香芒乳酪松葉蟹卷，有六件，入面有炸蟹卷，配埋芒果好香脆。在要咗三色魚生飯，有三文魚、吞拿魚同魚刺身，都算新鮮，一次過滿足晒咁多個願望。黑松露三文魚沙律，有好香濃既黑松露醬，原來配埋三文魚又幾夾，大大粒，好抵食。最後要咗蕃茄濃湯海鮮鍋同蒜燒茄子。個蕃茄湯超級推介，真係好好飲，清甜既蕃茄，唔會過酸，入面仲有唔同既海鮮，蝦、青口等，好開胃！個茄子都燒得好香，佈滿蒜頭，非常惹味。咁多野都只係$300，呢間簡直係糧尾恩物。