翟道翟

營業中

休息中

觀塘泰菜唔多依間都唔錯。餐廳地方闊落，環境舒適乾淨，安排卡位坐得舒適，以佛系佈置，份外有泰式風情。價錢都算親民，餐牌菜式選擇甚多，食物正常發揮，飲品好好飲。炭烤沙嗲串拼盤 $108雞、牛、豬各兩串。有少許炭燒香，惹味的沙嗲醬給矛串燒靈魂，味道唔錯。雞串大件啖啖肉口感，牛串唔乾唔韌有牛味，豬串充滿香茅味當中最好食。清邁醃蟹仔青木瓜沙律 $82青木瓜口感爽脆，個汁酸甜美味，辣度揀了小辣，有少許泰式生醃蟹加持下，多份鹹鮮味。鹹甜酸辣味道豐富，好味。泰式鮮蝦炒金邊粉 $92金邊粉份量幾足，味道甜酸，口感煙韌條條分明，炒得唔乾偏濕，放耐了唔會痴埋一舊，大蝦新鮮彈牙，配料足豆腐乾、芽菜、韭菜和雞蛋皆見，整體唔錯。珍多冰 $28啖啖椰香，珍多爽滑口感唔錯。菠蘿沙冰 $48沙冰幼滑夠凍大杯，鮮菠蘿味道香甜，好飲。