小野人

營業中

休息中

我哋都鍾意食串燒，所以今次嚟到將軍澳，食嘅就係呢間裝修好舒服嘅串燒餐廳～佢哋環境都幾闊落，而且好新淨，坐得好舒服。餐牌真係好多選擇！除咗串燒之外，仲有set lunch，真係幾多選擇。我地叫咗幾款串燒，最推介嘅係呢幾種：烤雞肉串價錢唔貴，調味啱啱好，而且食落好Juicy，一口氣食咗六串烤雞皮串平時嘅烤雞皮通常都會好乾身，但係佢哋會保留住肉汁，食落去香口得來又唔會太乾，推介烤魷魚串烤魷魚最驚就係好煙靭，佢哋就冇呢個問題啦！由於好易切，而且都算厚肉，唔錯烤粉絲扇貝佢哋每日有新鮮嘅海鮮運送過嚟，今次我哋就選擇咗粉絲扇貝，扇貝大大隻牛肉，加埋蒜蓉食真係好惹味墨西哥烤粟米呢個真係估唔到好食！就咁望落去好似普通嘅粟米，但係佢好香甜，而且有滿滿嘅芝士味，小朋友食得好開心芝士撈丁呢個真係幾有誠意！用鐵板上熱辣辣，而且面頭仲有海量芝士！不過建議幾個人share黎食，因為一個人食晒會有d漏糖烤牛奶方包、麻吉年糕串兩個甜品都比想像中ok! 烤方包望落去好普通，但係食落內脆外軟，推介！年糕串就好煙靭，麻糬控必叫滿杯草莓🍓開頭以為呢個係普通士多啤梨飲品，但係原來佢係用新鮮草莓即打而成，超有誠意！