影片
更多
2021-12-03
2244 瀏覽
一直都好想試下正宗嘅芝士火鍋！未有得飛瑞士，唯有一嚐開業逾半個世紀嘅瑞樵閣。相比起其他半島酒店嘅餐廳，價錢又幾平易近人，芝士火鍋同岀面嘅瑞士餐廳差唔多 都係around $300。餐廳裝潢模仿瑞士阿爾卑斯山小木屋，燈光昏暗，加埋蠟燭好有情調，氛圍輕鬆唔會太拘謹，唯獨枱同枱之間距離較近。▪️瑞士芝士火鍋伴法式麵包 $310瑞樵閣有2款芝士火鍋~ 今次就揀左呢款moitie-moitie，較為傳統嘅芝士火鍋。而另一款則為煙肉芝士火鍋，混合左四款芝士、較為淡身，有通心粉同馬鈴薯做配菜。芝士火鍋未拎到上枱 已經聞到超濃烈嘅芝士香！以長叉一篤一浸，鬆軟嘅法包輕易裹滿濃稠嘅芝士。第一啖芝士味超濃！帶鹹香，酒味都幾重吓，好有風味呢~ 唔知係咪落左白酒嘅關係，食落又無想像中咁膩，雖然都係膩。(怕嗆嘅朋友仔不妨嗌少酒~) 呢個芝士鍋越煮越濃芝士味！濃到有小小臭7越食越鹹，不過酒味亦會隨時間揮發。呢個重口味嘅芝士火鍋真係未必個個岩，男朋友表示：下次都係嗌返淡口味嘅煙肉芝士火鍋▪️蒜蓉香草焗田螺 $255田螺軟腍帶彈性，充滿蒜蓉同香草香，做開胃菜唔錯，旁邊仲配左經煎香嘅麵包條。▪️芝士包糠焗10安士美國有骨牛仔扒
相比起其他半島酒店嘅餐廳，價錢又幾平易近人，芝士火鍋同岀面嘅瑞士餐廳差唔多 都係around $300。餐廳裝潢模仿瑞士阿爾卑斯山小木屋，燈光昏暗，加埋蠟燭好有情調，氛圍輕鬆唔會太拘謹，唯獨枱同枱之間距離較近。
▪️瑞士芝士火鍋伴法式麵包 $310
瑞樵閣有2款芝士火鍋~ 今次就揀左呢款moitie-moitie，較為傳統嘅芝士火鍋。而另一款則為煙肉芝士火鍋，混合左四款芝士、較為淡身，有通心粉同馬鈴薯做配菜。
芝士火鍋未拎到上枱 已經聞到超濃烈嘅芝士香！以長叉一篤一浸，鬆軟嘅法包輕易裹滿濃稠嘅芝士。第一啖芝士味超濃！帶鹹香，酒味都幾重吓，好有風味呢~ 唔知係咪落左白酒嘅關係，食落又無想像中咁膩，雖然都係膩。(怕嗆嘅朋友仔不妨嗌少酒~)
呢個芝士鍋越煮越濃芝士味！濃到有小小臭7越食越鹹，不過酒味亦會隨時間揮發。呢個重口味嘅芝士火鍋真係未必個個岩，男朋友表示：下次都係嗌返淡口味嘅煙肉芝士火鍋
▪️蒜蓉香草焗田螺 $255
田螺軟腍帶彈性，充滿蒜蓉同香草香，做開胃菜唔錯，旁邊仲配左經煎香嘅麵包條。
▪️芝士包糠焗10安士美國有骨牛仔扒配烤玉米餅伴羊肚菌汁 $435
牛仔扒嗌左5成熟~ 肉汁成功被鎖緊，肉味幾重，近骨位富油脂香。肉質軟腍，但就好有咬口 (咬到好攰)。牛仔扒本身調味唔算好重，鹹香主要黎自面頭嘅芝士。旁邊望落好似玉子嘅玉米餅 口感味道幾特別，綿密帶鹹香奶香。四百幾蚊黎講，中矩中規，食完無乜滿足感。
▪️Chalet Suisse $195
好靚好多details位嘅朱古力屋！敲爛薄脆嘅朱古力片，就會見到忌廉同雲呢拿雪糕。雪糕香滑有雲呢拿籽，不過忌廉就無乜味。成個甜品嘅精髓一定係另上嘅朱古力醬！超濃郁！更帶果酸！朱古力控忍唔住就咁飲晒啲朱古力醬。成個甜品味道就唔算好特別，但勝在造型獨特 打卡一流。
▪️Peach Iced Tea $115
errrr 其實我都唔知點解男朋友要叫。。用一百蚊買左杯正正常常嘅peach tea。
食到最後仲有朱古力同蛋糕仔送~ 朱古力好濃！仲有流心添~ 方形個塊勁似薑餅人version嘅蛋糕，質地煙韌實在，帶肉桂同橙皮香，我就幾鍾意，不過男朋友食左一啖就放低左。紅桑莓蛋糕仔就正正常常啦。
張貼
