影片
更多
2025-04-29
0 瀏覽
朋友系越南華橋，每年佢嘅生日，我都會揀一間越式餐廳慶祝。今年嚟到位於旺角嘅NAM VIET NAM CAFE食晏，餐廳環境寬敞，卡位設計舒適，陽光透過大玻璃灑落，感覺好放鬆。餐廳主打越式Fusion菜式，南越蟹肉醬配脆球餅，蟹肉醬鮮甜，搭配脆球餅，兩者融合得好好；越式惹味粟米條口感脆口，配上特製醬汁，食落甜甜地又有啲辣，真係好過癮；惹火上身鹹檸豬頸肉入味，有些微炭烤嘅香氣，鹹酸嘅味道非常開胃。越南撈檬嘅靈魂係佢嘅甜酸汁，集甜、酸、鮮於一身，搭配炸豬肉春捲、扎肉同配菜，每次都一定要點。至於越式咖哩牛肋條，咖哩微辣，牛筋軟糯，味道入味，搭法包食正好。另外，佢哋特別推介新菜——南越全絲網蝦春捲，真係要試，春卷脆得嚟有層次，建議上枱即食，係最佳口感。服務方面，員工都幾友善，lift一開，佢哋即刻安排，等位唔會太耐。呢間餐廳真係值得再嚟，滿$100仲可以攞刮刮卡，運氣好仲可以中小吃！我已經約定下星期再嚟，期待再試其他菜式！
餐廳主打越式Fusion菜式，南越蟹肉醬配脆球餅，蟹肉醬鮮甜，搭配脆球餅，兩者融合得好好；
越式惹味粟米條口感脆口，配上特製醬汁，食落甜甜地又有啲辣，真係好過癮；
惹火上身鹹檸豬頸肉入味，有些微炭烤嘅香氣，鹹酸嘅味道非常開胃。
越南撈檬嘅靈魂係佢嘅甜酸汁，集甜、酸、鮮於一身，搭配炸豬肉春捲、扎肉同配菜，每次都一定要點。
至於越式咖哩牛肋條，咖哩微辣，牛筋軟糯，味道入味，搭法包食正好。
另外，佢哋特別推介新菜——南越全絲網蝦春捲，真係要試，春卷脆得嚟有層次，建議上枱即食，係最佳口感。
服務方面，員工都幾友善，lift一開，佢哋即刻安排，等位唔會太耐。呢間餐廳真係值得再嚟，滿$100仲可以攞刮刮卡，運氣好仲可以中小吃！我已經約定下星期再嚟，期待再試其他菜式！
張貼
