HeSheEat (銅鑼灣地帶)

營業中

休息中

夜晚嚟到銅鑼灣嘅HESHEEAT，簡約裝修幾舒服，燈光柔和，播住啲chill音樂，成個人即刻放鬆晒。諗住食個輕鬆晚餐，嘆吓慢活氛圍。呢度環境真係唔錯，啱晒同朋友傾偈或者自己靜靜地享受me time。侍應都好nice，服務周到，加分！坐低慢慢睇menu，揀咗幾款signature嘅嘢食，準備大快朵頤！香辣蕃茄蝦配蒜茸包啲蝦好新鮮彈牙，蕃茄醬汁酸酸辣辣好開胃，撈埋啲蒜茸包一齊食，正！個包烘得啱啱好，外脆內軟，點埋啲醬汁，忍唔住encore咗幾舊。燒春雞黑松露燴意大利飯春雞燒得皮脆肉嫩，黑松露嘅香味好濃郁，撈埋creamy嘅意大利飯，簡直係味蕾嘅享受！不過略嫌個飯可以再creamy啲，如果可以加多啲黑松露就perfect池啦！烤美國安格斯肉眼牛扒配燒汁（配薯條）牛扒烤得啱啱好，外焦內嫩，肉汁豐富，蘸埋燒汁，好惹味！薯條炸得金黃酥脆，點埋茄汁或者蛋黃醬都好好味。宇治抹茶士多啤梨鮮奶配抹茶雪糕抹茶控必試！抹茶味好香濃，士多啤梨嘅酸甜平衡返抹茶嘅甘澀，加上軟滑嘅抹茶雪糕，口感豐富，甜度適中，啱啱好！藍伯爵情人食完咁多嘢，嘆杯Earl Grey Tea清清味蕾。茶味清新，帶有淡淡嘅香氣，飲落好舒服。