花都餐廳

由細到大都食過唔少扒房同西餐，哩間真係價錢合理又高質，食得好滿足。首先值得一讚嘅係忌廉湯。個湯好熱、好creamy、好濃厚，超好飲。個蒜蓉法包好香脆，好好食，食完之後好期待食正餐。塊西冷牛扒果然有水準，一送上嚟賣相已經好吸引。識食一定係食用碟上嘅牛扒。塊扒表面嘅色澤煎得好靚，令人好有食慾。只有好嘅牛扒先可以用碟上，切開後嘅牛扒嘅切口好粉嫩，睇得出肉質好掂，係一塊靚扒。塊扒擺到入口真係冇得彈，肉質鮮美柔軟，唔需要過多咀嚼就融化喺口腔度。外面酥脆香口、裡面鮮嫩多汁，配搭香濃嘅燒汁，真係停唔到口。而意粉都整得幾好，唔似一啲西餐求求其其。佢啲意粉好有彈性，好食。咁嘅質素收咁嘅價錢我覺得好合理，今次總體嚟講我好滿意，下次會試埋其他扒。