影片
更多
2011-06-13
78 瀏覽
星期六晚, 朋友說想去吃有鑊氣的小炒, 其中一位友人建議試試彪哥。上來openrice看看評價,見讚多過彈,於是訂好位,一眾朋友便驅車落觀塘開餐,但食完嘅結論係:價錢同名氣與食物質素唔成正比,唔使再有下次幫襯!首先去到店外，見到有人等位,又見到門外貼滿名人食家合照,電視節目訪問等等,成功營造一個巧手小廚嘅模樣, 還以為選對了開餐地點,心中暗喜。入到店內,雖然裝修陳舊,但我們一心只想吃好的,地方倒不介意,又見到牆上掛滿許多烹飪獎項,一副隱世高廚模樣.殊不知一位跑慣內地的朋友道:「呢個烹飪獎項我常常在內地食肆見到.」心中暗叫不妙:「唔通係俾錢買番嚟嗰種?」嗰晚叫咗幾個小菜,雖然唔算難食,但亦無一個稱得上好食,而且價錢可媲美大酒樓,就知道那些舖天蓋地的合照、訪問、獎項,統統是宣傳技倆, 老闆絕對係一位marketing 高手,包裝手法了得,如果佢唔開食肆,走出做發展商賣樓,將單幢樓包裝成精品豪宅一定無難度!講番嘢食, 先叫一個砵酒焗蠔, 盛惠每隻25大元,我哋4個人一共叫7隻,嗰碟蠔就要成$175. 貴都唔係問題,如果係好食的話, 但係只可以話極之普通.蠔外面一啲都唔香脆,差過一啲連鎖酒樓出
首先去到店外，見到有人等位,又見到門外貼滿名人食家合照,電視節目訪問等等,成功營造一個巧手小廚嘅模樣, 還以為選對了開餐地點,心中暗喜。
入到店內,雖然裝修陳舊,但我們一心只想吃好的,地方倒不介意,又見到牆上掛滿許多烹飪獎項,一副隱世高廚模樣.殊不知一位跑慣內地的朋友道:「呢個烹飪獎項我常常在內地食肆見到.」心中暗叫不妙:「唔通係俾錢買番嚟嗰種?」
嗰晚叫咗幾個小菜,雖然唔算難食,但亦無一個稱得上好食,而且價錢可媲美大酒樓,就知道那些舖天蓋地的合照、訪問、獎項,統統是宣傳技倆, 老闆絕對係一位marketing 高手,包裝手法了得,如果佢唔開食肆,走出做發展商賣樓,將單幢樓包裝成精品豪宅一定無難度!
講番嘢食, 先叫一個砵酒焗蠔, 盛惠每隻25大元,我哋4個人一共叫7隻,嗰碟蠔就要成$175. 貴都唔係問題,如果係好食的話, 但係只可以話極之普通.蠔外面一啲都唔香脆,差過一啲連鎖酒樓出品,但價錢貴人一截。
本來我地想叫沙薑雞,但老闆同夥記不斷推介童年雞,我哋問童年雞係咪即係童年嘅雞? 夥記隱晦地話:「又唔算係」我哋都想轉返叫沙薑雞,但老闆又走過嚟係咁sell,見你係咁推介,就試下啦! 點知中伏! 只係一般白切雞,而且肉質有點鞋口,無彈性. 由於朋友當中不乏愛食雞之人, 平日一定會清晒碟雞, 但當日只係一碟例牌size都食剩。
又叫咗一個魚腸焗蛋, 諗住可重温兒時味道,結果又係失望而回, 蛋焗得太老,但係面頭都唔脆,魚腸亦無鮮味.
仲有一個啫啫通菜煲, 味道無乜特別,但特別多油. 本來我地仲叫咗個燜班腩,又係聽老闆介紹先叫,賣成$168,好彩後來夥計話賣晒,如果唔係就要成$200一位先落到樓,仲要係唔好食.
張貼