大安茶冰廳

營業中

休息中

總結：做壞大安既名食物少選擇冇問題，可以專攻精選食品飲品。不過食左睇落似皇牌既餐點，口味配搭同用料非常一般。餐廳想玩fusion舊式冰室，用現時潮流既caramel落蛋撻度；菠蘿包皮做既泡芙，完全不及樓下茶餐廳一個12蚊菠蘿油同包餅店出爐5蚊蛋撻。重點係四十幾蚊叫「肥妹」既飲品，送上黎係叫「熱朱」，咁點解仲要set牌做咁懶得意既名，說穿了，說係將平民食物變文青cafe價既商業玩法。***排隊時親眼見到職員恥笑路過黎問價錢同問包點名既意思既婆婆，完全繼承唔到大安做左幾廿年街坊平民生意既牌匾，如果期望將香港本土特色食品玩得更出色完全係諗多左，只係變左改餐牌名玩gimmick、fusion產品仲差過傳統味道，同埋cap水賺錢離地既商業生意技倆。大家想食香港味，呢間野真心要諗諗先。