影片
更多
2006-05-01
50 瀏覽
女友升職，晚餐慶祝。本想到對面「石燒」。但因為不忍女友身穿的絲質白襯衣，被油煙糟塌，於是便選這兒舒舒服服食fine dining。既然預算有限（一仟蚊樓下），就點了每位$298 的晚餐。埋單$660，服務有禮專業，味道不賴，用料新鮮似樣，幾抵！甫坐底，侍應便提便提來「麵包籃」，給我們三件包餅：芝士鹹餅乾、芝士千層紐紋條、芝士酥盒。前者係此號的招牌零嘴，各Cova 餅店都有呢款餅乾販賣，好似五、六十蚊一袋，約廿片右左。我最欣賞呢個item，捧左成五年場！頭盤有三款：「龍蝦沙拉」or 「自助沙拉吧」or 「？？？」（忘了！）。 女生都是貴精不貴多，吃了「龍蝦沙拉」，呆等十五分鐘才上桌，沙拉菜上舖上一湯匙份量的龍蝦拑肉，肉質一般新鮮，估計係雪藏貨…。 我等男生選了「自助沙拉吧」，約廿款選擇，試了燴八爪魚仔、巴馬火腿配蜜瓜、紅菜頭、烤紅椒、凍切肉、沙拉菜、烤焗青口、沙拉菜…。味道和賣相都係五星級酒店貨色。八爪魚仔好柔軟好入味。（個人認為食這個精美自助沙拉吧更值回票價。）主菜是二選一：「蜆肉燴意大利飯」or「蕃茄豬肉碎燴意大利麵」。兩款都是份量細小，僅四口份量。 燴意大利飯的蜆肉超新鮮，蜆
既然預算有限（一仟蚊樓下），就點了每位$298 的晚餐。埋單$660，服務有禮專業，味道不賴，用料新鮮似樣，幾抵！
甫坐底，侍應便提便提來「麵包籃」，給我們三件包餅：芝士鹹餅乾、芝士千層紐紋條、芝士酥盒。前者係此號的招牌零嘴，各Cova 餅店都有呢款餅乾販賣，好似五、六十蚊一袋，約廿片右左。我最欣賞呢個item，捧左成五年場！
頭盤有三款：「龍蝦沙拉」or 「自助沙拉吧」or 「？？？」（忘了！）。
女生都是貴精不貴多，吃了「龍蝦沙拉」，呆等十五分鐘才上桌，沙拉菜上舖上一湯匙份量的龍蝦拑肉，肉質一般新鮮，估計係雪藏貨…。
我等男生選了「自助沙拉吧」，約廿款選擇，試了燴八爪魚仔、巴馬火腿配蜜瓜、紅菜頭、烤紅椒、凍切肉、沙拉菜、烤焗青口、沙拉菜…。味道和賣相都係五星級酒店貨色。八爪魚仔好柔軟好入味。（個人認為食這個精美自助沙拉吧更值回票價。）
主菜是二選一：「蜆肉燴意大利飯」or「蕃茄豬肉碎燴意大利麵」。兩款都是份量細小，僅四口份量。
燴意大利飯的蜆肉超新鮮，蜆肉數量勁多，至少十粒以上。但米粒好硬，唐人通常形容這種質感為「半生熟」的米飯。當侍應收碟時，我們告之，他堅決地表示：「正宗risotto 係咁樣質地。」（＊註）
意大利麵的材料和賣相普通，但質素較均勻。豬肉粒幼滑量多，意大利麵彈牙爽口，蕃茄醬料恰到好處，相當新鮮，是鮮茄的芳香味道和意大利香草的惹味！！讚！
主菜是二選一：「烤羊架配茄子片」or「奶油魚柳」。
煎烤羊架有三大件，唔算油膩，肉質嫩滑，羶味適中，火喉得剛好medium rare。配菜的stuffed 茄子，表面的麵包糠相當酥脆，不俗。
奶油白酒魚柳有兩大件，估計係龍脷柳，香滑柔軟唔腥。奶油白酒汁料，相當惹味。配菜是鮮露筍和煙肉薯蓉，都好好味！
甜品是二選一：「雪糕泡夫」or「杧果忌廉夾心蛋糕」。
雪糕泡夫係好普通的甜點。可能d 雪糕係好堅，但食唔出。因為配上泡芙食用，冰淇淋的質感再點滑溜，或多或少都會打折（或被擾亂視聽…）。但整體都好好味。
杧果蛋糕係其餅店的熱賣貨品，有幾好，唔駛我多講。今次係原件上桌，好滿足！
環境服務食物整體中上，直迫五星級大酒店。
=============================================
＊註：我未去過意大利，故未食當地廚子所泡製的意大利燴飯！然而，女友曾經在意大利旅行，吃過三頓當地人辦的餐館，所吃過的意大利燴飯的質感並不是「半生熟」！Well！唔同你爭論，公道自在人心，自拆招牌，自掘墓穴，我唔阻你。
張貼
