潮成園

營業中

休息中

爽滑牛丸米線，有四粒牛丸，大量蔥粒，實物賣相比餐牌更吸引，首先試下啖湯，配上軟硬度適中嘅米線，好入味，牛丸好爽，冇筋完全唔會黐牙，好有牛味，而配角蔥粒一樣有驚喜，非常新鮮爽脆，配上湯汁食唔停口。五香牛什河粉，河粉爽口唔會斷，牛雜非常足料，而且牛味十足。牛肚彈牙無比，牛肺同牛蒡加埋湯汁好入味，牛腸帶點粉狀口感，款款都好好食，$35非常超值，食出喜出望外嘅感覺。店舖座位充足，有卡位坐得舒服，有自助水吧，而員工都好有效率，點餐後五到分鐘就到，野食價廉物美，但座位有污跡，清潔方面可以再改善，而且只收現金💰如果有電子支付更好。