影片
更多
2021-05-12
410 瀏覽
生煎鍋貼 3隻 ($10)鍋貼係預先煎好咗🙁，食嗰陣已經有少少凍，不過依然好好味。鍋貼係用大圓鐵板生煎，皮身較厚，未必個個都鍾意。麵皮色澤油潤，咬落去有彈性唔鞋身，仲有麵香，但完全唔油膩，底部煎到微燶，金黃焦脆😍，非常之香口，食落去係有咔嚓聲。豬肉餡肥瘦比例適中，份量正常，調味偏簡單，應該淨係落咗鹽同糖加生抽，所以每一啖都食到豬肉嘅鮮味同豬油香👅，配埋黑醋嘅酸甜就perfect。可惜嘅係佢嘅肉汁唔夠多，不過都juicy嘅👌🏻，呢方面就勉強合格啦。------------------------------生煎包 3隻 ($10)Size係比一般小籠包再大少少，麵皮唔係好似一啲店鋪咁做到小籠包皮咁薄，似係以「老麵」天然發酵而成，麵香非常之濃厚🤙🏻，口感似饅頭咁帶啲鬆軟，仲有少少芝麻香，底部都煎得脆卜卜，外脆內軟。兩派都有佢特別之處 好睇個人喜好，小編就兩者通殺😈。肉餡濕潤份量足，非常紮實，唔會一咬即散，其他方面感覺同鍋貼嘅饀冇咩分別所以就唔多講。肉汁方面就好睇運氣，友人食嗰粒就爆曬汁，我就兩粒都冇😫，算係美中不足，希望店家可以改善下。---------------------------
鍋貼係預先煎好咗🙁，食嗰陣已經有少少凍，不過依然好好味。
鍋貼係用大圓鐵板生煎，皮身較厚，未必個個都鍾意。麵皮色澤油潤，咬落去有彈性唔鞋身，仲有麵香，但完全唔油膩，底部煎到微燶，金黃焦脆😍，非常之香口，食落去係有咔嚓聲。
豬肉餡肥瘦比例適中，份量正常，調味偏簡單，應該淨係落咗鹽同糖加生抽，所以每一啖都食到豬肉嘅鮮味同豬油香👅，配埋黑醋嘅酸甜就perfect。可惜嘅係佢嘅肉汁唔夠多，不過都juicy嘅👌🏻，呢方面就勉強合格啦。
------------------------------
生煎包 3隻 ($10)
Size係比一般小籠包再大少少，麵皮唔係好似一啲店鋪咁做到小籠包皮咁薄，似係以「老麵」天然發酵而成，麵香非常之濃厚🤙🏻，口感似饅頭咁帶啲鬆軟，仲有少少芝麻香，底部都煎得脆卜卜，外脆內軟。兩派都有佢特別之處 好睇個人喜好，小編就兩者通殺😈。
肉餡濕潤份量足，非常紮實，唔會一咬即散，其他方面感覺同鍋貼嘅饀冇咩分別所以就唔多講。肉汁方面就好睇運氣，友人食嗰粒就爆曬汁，我就兩粒都冇😫，算係美中不足，希望店家可以改善下。
------------------------------
擔擔麵 ($17)
估唔到份量都幾多下😳，但就唔同出面食開嗰種有肉碎同花生碎。上海麵質地就中規中矩，偏淋身但都有啲咬口，但每一條都掛滿曬汁。
醬料好濃稠，麻醬同辣油嘅比例啱啱好💯，仲落咗少少黑醋解膩，每一啖都有香濃嘅花生味👍🏻。辣味係有嘅但只係點綴作用，唔太突出，醋嘅酸甜味同麻醬意外地夾，起畫龍點睛嘅作用✨，我幾鐘意呢種調味。整體感覺似食緊麻醬撈麵，越食越濃郁，停唔到口。
------------------------------
蔥油餅 ($6)
因為太好食唔夠候所以小編同友人食完特登再落去嗌嘢食，結果咁啱撞正每日3點新鮮熱辣辣限賣嘅蔥油餅，只能話小編嘅運氣冇得輸🤓。
第一感受係佢真係好平😳，size有成隻手掌咁大，0.5 cm 厚度，攞上手非常之暖🥰。面層烘烤到乾身焦脆，色澤好靚。麵團密度適中，唔會過實，咬落去外面香脆，裏面軟韌🤤，仲有麵粉嘅香口，好有層次。配埋入面夾住蔥油嘅鹹香同芝麻香做點綴，正嘅程度是為當日之星。
但係蔥油嘅鹹味偏淡，鍾唔鍾意就見仁見智啦🤔。價廉物美，唔怪之得食完之後見到咁多街坊排隊。
------------------------------
生根 ($7)
生根囗感非常之Q彈，但食唔出嗰種炸過嘅脆皮，感覺似麵筋多啲，食到小麥粉嘅味道，加上索醬。記得要嗌佢嘅秘製辣醬，味道係甜辣，甜度適中，唔會喧賓奪主，又香又惹味❤️ ，難得唔好甜辣呢個配搭嘅我都覺得好食。
------------------------------
牛栢葉 ($9)
反而Albert Yip就麻麻地，個人覺得佢碌得太淋，冇咗新鮮爽脆嘅口感，食到水份有啲多，不過辣醬打救一切😂。
------------------------------
整體評分: 8.0/10
價錢嚟講直頭冇得輸🤘🏻，仲要係米芝蓮推介過都冇抬高價錢，係好貼地嘅平民小食，喺北角咁嘅價錢食咁嘅質素小編實在太感動😭。
蔥油餅、生根、牛栢葉
36 瀏覽
0 讚好
0 留言
鍋貼、生煎包、擔擔麵
29 瀏覽
0 讚好
0 留言
張貼
