The Sky Bar (已結業)

三五知己忽然之間興之所至想約食晚飯。銅鑼灣唔使訂枱又想坐得舒服d，就諗到Sky bar; 知道呢間餐廳有做開團購的最初有少少猶豫 ，不過見環境尚算清靜就不妨一試啦。生蠔叫左三款非常一般不算太鮮太肥和太鮮。香草牛油焗野菌，好香芝士同牛油味。香草蒜蓉包，熱辣辣厚厚既蒜蓉醬非常惹味。雞翼配炸薯條，正常。期間限定的佐賀牛, 半成熟, 非常香口,肥美, 好正!煎帶子黑松露海鮮意大利飯帶子煎完都唔太乾，意大利飯唔會太硬，而且非常入味，不錯。焗豬肋骨伴燒烤汁，好多時燒肋骨外層都係會乾爭爭，但呢個焗豬肋骨就好軟熟，可林，有肉汁。焗肉丸，同樣唔會乾爭爭肉唔太鹹又芝士既香味。熱梳乎厘半雲呢拿雪糕，ok。甜梨金寶，焗金黃色脆卜卜。雖然唔會好酸，只可惜食唔到梨既味道。餐廳入邊有大電視，飛鏢機又有桌球，如果睇波飲酒都應該幾好玩。