影片
更多
2021-04-12
2689 瀏覽
忙裡偷閒~近排好懶冇點寫食評😝快啲寫返篇先。今次黎左呢間連黎智英都話係全香港最中最好既西餐廳，雖然得米之蓮一星，但呢個銜頭真係令我好好奇到底會有幾好食。加上呢間餐廳竟然有serve紅蝦意粉，又點可以錯過呢😌位於中環都算幾方便既地段，一入到餐廳，四四方方既格局一覽無遺。地方唔大，有酒巴。但勝在枱同枱之間都有啲距離，加上有落地玻璃窗，光線好夠，如果可以高級西餐廳來講，呢個裝潢都算僅僅合格。餐前麵包:呢個餐前麵包真係可以稱得上驚艷🤩個心造到又軟又燙，而且個皮又薄又脆，啱晒我呢啲唔鍾意食麵包皮嘅人，就算連皮都依然會覺得好好食。成個包係絕對會令人想食哂去，食唔晒都會想打包果隻😂真係估唔到前菜: 鮑魚帶子魚子醬普遍西餐用到帶子都通常會香煎，但今次呢個前菜真係刀功菜，而家食得出食材比例係有精心設計過的。鮑魚同帶子都被切成薄片，一層疊一層鋪係底，而上面就鋪咗少少魚子，類似海帶嘅配菜做點綴，再加唔同嘅香油吊味。成個菜式無論係口感同味道都好有層次感。可以稱得上係精品菜式。主菜: 紅蝦意粉鍾意紅蝦意粉嘅人可以去試吓，因為隻紅蝦真係大得好誇張。雖然價錢唔平，但係出邊基本上應該唔會有幾多間西餐廳可以用得到呢一個
今次黎左呢間連黎智英都話係全香港最中最好既西餐廳，雖然得米之蓮一星，但呢個銜頭真係令我好好奇到底會有幾好食。加上呢間餐廳竟然有serve紅蝦意粉，又點可以錯過呢😌
位於中環都算幾方便既地段，一入到餐廳，四四方方既格局一覽無遺。地方唔大，有酒巴。但勝在枱同枱之間都有啲距離，加上有落地玻璃窗，光線好夠，如果可以高級西餐廳來講，呢個裝潢都算僅僅合格。
餐前麵包:
呢個餐前麵包真係可以稱得上驚艷🤩個心造到又軟又燙，而且個皮又薄又脆，啱晒我呢啲唔鍾意食麵包皮嘅人，就算連皮都依然會覺得好好食。成個包係絕對會令人想食哂去，食唔晒都會想打包果隻😂真係估唔到
餐前麵包
60 瀏覽
1 讚好
0 留言
前菜: 鮑魚帶子魚子醬
普遍西餐用到帶子都通常會香煎，但今次呢個前菜真係刀功菜，而家食得出食材比例係有精心設計過的。鮑魚同帶子都被切成薄片，一層疊一層鋪係底，而上面就鋪咗少少魚子，類似海帶嘅配菜做點綴，再加唔同嘅香油吊味。成個菜式無論係口感同味道都好有層次感。可以稱得上係精品菜式。
鮑魚帶子魚子醬
53 瀏覽
0 讚好
0 留言
主菜: 紅蝦意粉
鍾意紅蝦意粉嘅人可以去試吓，因為隻紅蝦真係大得好誇張。雖然價錢唔平，但係出邊基本上應該唔會有幾多間西餐廳可以用得到呢一個水準嘅食材。紅蝦係外熟內生，做到外脆內軟既口感同埋保留左紅蝦刺身嘅鮮味。魚蝦頭入邊係超級多膏同汁。所以係食嘅時候waiter會提醒你記住要將紅黑嘅蝦膏倒落個意粉到一齊食。意粉方面，其實本身已經用咗蝦湯同蕃茄去煮同調味，不過唯一缺點係份量真係好少，好少，好少😅🙈少到基本上係兩啖食晒。味道方面都唔錯。不過抵唔抵食就見仁見智，不過我覺得試一次都OK嘅😂
紅蝦意粉
59 瀏覽
1 讚好
0 留言
51 瀏覽
0 讚好
0 留言
主菜: 煎魚
鑒於紅蝦意粉份量實在太少，所以都係另外嗌咗一個煎魚做第二主菜。呢度係半份，可以喺order嘅時候要求share，咁廚房就會幫你分開上菜。唔係好記得左呢隻係咩魚😂淨係記得口感好彈牙，側面啲配菜係豆角，又有啲泡沫忌簾味既醬汁，味道唔錯。
41 瀏覽
0 讚好
0 留言
甜品: 朱古力疏乎厘配雲呢拿雪糕
我發覺西餐廳嘅甜品通常普遍都唔錯，有啲甚至會比主菜更好食😂呢個疏乎厘都唔例外，好食，值得試。朱古力味香濃，熱辣辣，配上滑一滑嘅雲呢拿雪糕，令到成餐飯食完覺得好滿足。
朱古力疏乎厘
42 瀏覽
0 讚好
0 留言
總括嚟講，呢間餐廳食物質素的確唔錯，水準亦都真係有嘅，唔怪得連黎智英都會讚。不過貴就係真嘅😂service黎講都好有水準，每次上菜嘅時候，waiter都會攞張枱仔出嚟，放喺隔離先慢慢serve你，感覺幾專業。有budget既朋友仔都推薦去試下既~
張貼
