影片
更多
2022-05-14
956 瀏覽
有一日突然day off，約咗個friend諗住去食酒店下午茶，諗住食傳說中好難book嘅Tiffin，點知又真係有最後一個位。因為冇預先預約，所以唔係坐窗邊位，但酒店樓底極高，枱與枱之間都唔會好逼，所以就算唔係坐窗邊位梳化位都坐得好舒服，張枱亦都夠大。侍應會先拎個茶盒過嚟介紹每一種茶，揀好之後就會連同下午茶架一齊送上，下午茶菜式好豐富，有蝦沙律，火腿芝士牛角包，同埋signature 嘅三層架，包括scone, 鹹點同甜點。Scone鬆脆可口，牛油味好香，上枱嘅時候都有微暖，好食。鹹點方面各方面都正常，最鍾意鴨肝多士，香口回甘，唔會太重味。甜點方面，我去嘅時候係秋天主題，所以菜式都會配合返有啲紅莓，榛子合桃等等嘅元素，因為我本身唔係好鍾意食紅莓，所以D甜點我就覺得麻麻地。Tiffin最正嘅地方就係佢哋有自家製雪糕，而且係無限任食，所以其實呢個下午茶真係會食到你飽到上心口，雪糕口味好豐富，而且好有特色，我最鍾意食芒果糯米飯口味，呢個真係必食，香甜芒果配上粒粒分明嘅糯米飯，整成雪糕完全唔覺得奇怪，好食😋鍾意食下午茶嘅朋友真係極度推薦大家堂食Tiffin下午茶，食物豐富服務好，而且有liv
因為冇預先預約，所以唔係坐窗邊位，但酒店樓底極高，枱與枱之間都唔會好逼，所以就算唔係坐窗邊位梳化位都坐得好舒服，張枱亦都夠大。
侍應會先拎個茶盒過嚟介紹每一種茶，揀好之後就會連同下午茶架一齊送上，下午茶菜式好豐富，有蝦沙律，火腿芝士牛角包，同埋signature 嘅三層架，包括scone, 鹹點同甜點。Scone鬆脆可口，牛油味好香，上枱嘅時候都有微暖，好食。鹹點方面各方面都正常，最鍾意鴨肝多士，香口回甘，唔會太重味。
甜點方面，我去嘅時候係秋天主題，所以菜式都會配合返有啲紅莓，榛子合桃等等嘅元素，因為我本身唔係好鍾意食紅莓，所以D甜點我就覺得麻麻地。
Tiffin最正嘅地方就係佢哋有自家製雪糕，而且係無限任食，所以其實呢個下午茶真係會食到你飽到上心口，雪糕口味好豐富，而且好有特色，我最鍾意食芒果糯米飯口味，呢個真係必食，香甜芒果配上粒粒分明嘅糯米飯，整成雪糕完全唔覺得奇怪，好食😋
鍾意食下午茶嘅朋友真係極度推薦大家堂食Tiffin下午茶，食物豐富服務好，而且有live music 真係chill住過日晨。
48 瀏覽
0 讚好
0 留言
張貼
