新羅寶韓國餐廳 (利舞臺廣場)

營業中

休息中

今日中午同事聚餐，其中一個韓國同事推介哩間餐廳，話係比較貼近當地口味既，一行人二話不說就去試。一坐低未點餐，各種配菜就排好招呼了。我最鐘意左下既甜甜魚仔。講真，我對韓菜既喜愛算一般，但我真係好鐘意d配菜😋牛肉飯哩個係我點既，味道唔算濃，牛肉有少少乾，份量都唔細，飲左餐配既紫菜湯先，哩個飯我食剩一半，食唔囇牛肉米線同事分左少少俾我試，我就覺得麻麻地，因為無咩味炸雞哩個都幾好，炸得幾乾身，一人一條骨幾好分因為同事係常客，個經理送左份甜品俾我地，一人一隻。隻餃係紅豆蓉餡，都唔算甜膩既，啱啱好。隻餃面上既裝飾反而吸引左我，係紅棗肉卷既，好巧功夫。