千色車仔麵

營業中

休息中

話說，行街經過一間車仔麵，原來攞過米芝連獎！ 竟然喺一個唔起眼嘅地方（千色後門小巴站旁），既然諗唔到食乜，就試下，叫左個米線+雞翼（車仔麵必叫）+腸仔+牛腩+咖哩魚蛋，成碗麵（因為冇辣）清清淡淡，腩汁味，幾好食～但係雞翼冇榮安小食果隻咁入味，咖哩魚蛋幾彈牙可口，牛腩份量都算多（唔係得幾粒），我最中意車仔麵加甜醬！下次建議大家可以試下～ 車仔麵4個餸麵算貴，可能攞過獎唔同啲～Oh! 仲加左個脆炸魚皮，味覺一般般，建議浸下湯先食或加醬料食～座位普通，唔算太迫，唔多人食果陣可以快食完走人。