千色車仔麵

落到荃灣 ，走去試下 風聞已久『米芝蓮』級數車仔麵 ....油麵底，要少少辣 湯底，再加 咖哩魷魚 、豬皮 、同埋牛腩。咖哩魷魚正常常，咖哩汁冇以前咁惹味。豬皮感覺都係咁上下，不過真係幾好食，也能夠保持水準。牛腩 okay 喇 ， 都夠冧嘅，但如果再能夠再淋啲，加埋啲牛腩汁濃濃的，必定 會回甘不已。我最鍾意食油麵，超過 闊條麵 同幼麵，每次必食，去到每一間都必食； 但今次好慘，狼吞虎嚥吞咗幾口感覺好似味道唔同咗，講唔出，但冇咗以前我食咗就成個失曬暈嗰種嘅感覺。 …查看更多

朋友知我鐘意食車仔麵，特別帶我去荃灣食一間米芝蓮推介既小店。價錢唔算平，四個餸一個麵都已經六十幾蚊，餸既話叫左豬腸、冬菇、水魷同豬紅，份量都合理，湯底叫左小辣，辣度可以接受。整體食落冇話特別驚喜，唔知點解會係米芝蓮推介😂豬腸充滿油脂，食落唔會好淋，反而係有d爽口，煮得都入味。冬菇就太死咸，都唔係想像中既花菇味。水魷好似有好多醬汁調味，但都唔係特別好食既味道，豬紅就冇乜特別🫣呢個價錢應該可以有更好既選擇。…查看更多

千色車仔麵真係食咗差唔多20年，味道係完全冇變，我不能講佢好好食，只能講佢保持水準，幾年冇食今次再去食，特別欣賞係佢嘅豬紅，非常入味，大腸就好似比以前遜色咗，其他都保持倒水準。環境咁多年都係冇變，都係細細間坐得咁辛苦，唯一有變嘅就係價錢，今日叫咗一個油麵，豬腸，豬紅，辣魚蛋，魷魚，冇飲嘢都要62蚊，不過算啦間唔中食一餐佢個辣汁又真係幾好味。份量就真係唔係幾足食完唔係好夠飽，其實我係深水埗文記嘅fans，荃灣冇乜好嘅車仔麵選擇，千色叫做可以頂下癮。…查看更多

因工作關係經常都會經過荃灣千色店，一路都好想試依間攞到米芝蓮推介既車仔麵小店但經常都坐滿人，今日見到比較少人所以終於決定入去一試。鋪頭細細間坐位不算多，似係舊式平民小店格局，無睇價錢隨便叫左3餸油麵再加杯豆漿，俾錢時發覺原來都已經六十幾蚊，價錢都算偏貴，所以更好奇質素如何。我配料揀了鳳爪，豬腸，牛腩。先講湯底，佢係偏重味但不會覺得好鹹，係常見加左腩汁既湯底味道，不會重味精味又唔會令人好口渴，算係不錯。油麵滑身但無咩咬口，普通貨式。牛腩不會話太硬或太腩，合格但普通既感覺。豬腸煮得好淋但似係用梳打粉乸完既效果但勝在夠入味，不過個人鐘意厚身有咬口既感覺，下次唔會再叫依款。鳳爪又係煮得夠淋，味道不錯，唯獨無預先剪走鳳爪指甲感覺差少少。豆漿都係一般合格水準整體感覺係穩穩陣陣，不會話好驚艷好好食嗰種，但都會有興趣再試其他款式配料，不過就唔會一次叫太多款餸，因為去到7,80蚊食一個車仔麵就太貴了…查看更多

22-12-2023 (Fri)冬至放半日,返荃灣會合亞姨食晏,天寒地凍,問佢想食咩嘢?佢答食粉麵,唔….車仔麵啱唔啱?佢答啱.咁就嚟呢間啦.我哋嚟到時都多人,就順住排隊揀麵同餸,我揀油麵,要豬紅,魚腐,墨丸同豬皮,盛惠$59.00.亞姨都要油麵,貢丸,冬落同唔記得咩,盛惠$46.00.攞咗後好彩有位,熱騰騰嘅麵食,所有嘢都正常冇問題,不過豬皮本身係辣,但好彩唔係好辣.抵食係2.5分上次食評係2019年10月14日刊登嘅呢篇:https://www.openrice.com/zh/hongkong/review/%E5%94%94%E6%80%AA%E5%BE%97%E7%8D%B2%E5%BE%972019%E7%B1%B3%E4%B9%8B%E8%93%AE%E7%8D%8E-e3567432…查看更多