影片
更多
2023-08-11
1111 瀏覽
今晚去time Square 睇戲前，係附近搵到呢間傳統茶餐廳，仲有舊式麵包，配搭新裝修，感覺乾淨衛生。個人推介紅豆沙翁，還有忌廉筒，甜美好味。環境光鮮，坐得舒適，又不失傳統茶餐廳風味。我地晚餐點了滑蛋牛肉飯同快樂特餐。飲品夠凍好岩夏天。快樂特餐。菠蘿油、豬排公仔麵、火腿及炒滑蛋 $62 配特飲 $12 凍檸樂豬排超級大塊，一定大過塊臉，厚身有肉感，炸到好香口，肉質鬆化軟腍，醃得入味。公仔麵都煮得爽口微彈，讚。估唔到可以配菠蘿油，好耐無食，邪惡但超正，牛油入口好香滑，配甜甜菠蘿包，鬆軟可口，個面都夠脆。炒蛋有奶香蛋味重，好味。XO醬滑蛋牛肉飯 $68 配特飲 $12 凍檸賓新派配搭，加XO醬有蝦味同微辣，香口惹味，亦好夾牛肉味。滑蛋同牛肉都嫩滑，飯量剛好，吸哂XO醬味好食。紅豆沙翁 $13， 忌廉筒 $15最後再叫個甜麵包做甜品先，呢兩款都少見。沙翁內超多紅豆餡，麵包鬆軟。忌廉筒好脆卜卜，富牛油香，忌廉細滑，唔甜有少少膩。
今晚去time Square 睇戲前，係附近搵到呢間傳統茶餐廳，仲有舊式麵包，配搭新裝修，感覺乾淨衛生。
個人推介紅豆沙翁，還有忌廉筒，甜美好味。
環境光鮮，坐得舒適，又不失傳統茶餐廳風味。
我地晚餐點了滑蛋牛肉飯同快樂特餐。飲品夠凍好岩夏天。
快樂特餐。菠蘿油、豬排公仔麵、火腿及炒滑蛋 $62 配特飲 $12 凍檸樂
豬排超級大塊，一定大過塊臉，厚身有肉感，炸到好香口，肉質鬆化軟腍，醃得入味。公仔麵都煮得爽口微彈，讚。
估唔到可以配菠蘿油，好耐無食，邪惡但超正，牛油入口好香滑，配甜甜菠蘿包，鬆軟可口，個面都夠脆。炒蛋有奶香蛋味重，好味。
XO醬滑蛋牛肉飯 $68 配特飲 $12 凍檸賓
新派配搭，加XO醬有蝦味同微辣，香口惹味，亦好夾牛肉味。
滑蛋同牛肉都嫩滑，飯量剛好，吸哂XO醬味好食。
紅豆沙翁 $13， 忌廉筒 $15
最後再叫個甜麵包做甜品先，呢兩款都少見。沙翁內超多紅豆餡，麵包鬆軟。
忌廉筒好脆卜卜，富牛油香，忌廉細滑，唔甜有少少膩。
張貼
