影片
更多
2022-07-27
2281 瀏覽
一般食韓國菜都會食炸雞飲啤酒或者去小店食傳統韓國菜。今次同朋友慶祝生日，突登揀左呢間米芝蓮一星嘅新派韓國菜，十分期待。餐廳以簡約嘅裝潢，同木餐桌貫徹「一家人一起用膳」嘅主題。行入餐廳就聽到輕鬆嘅音樂，令人心情輕鬆。店員帶位後就問想飲still定sparking water. 除左set嘅價錢$1398，無論你飲邊種水，每位都會收取$38。以fine dining黎講，價錢合理。據聞餐廳每季都轉menu,黎嘅時候就係夏天menu. 第一道菜係凍粟米粥配魚子醬。清涼嘅粟米粥配上咸咸嘅魚子醬，味道幾新奇。之後係墨魚刺身，中間有啲沙參、香梨同青瓜絲，配上韓式辣醬，頗有層次。接住係飛魚子凍豆湯配麵線。店員會喺你面前刨幾片黑松露喺上面。個人認為只食下面嘅麵線很不錯，連埋黑松露反而有點搶風頭。然後到季節性燒魚。忘記左記低係咩魚😅魚皮燒到帶點脆口，肉亦冇燒到乾。旁邊有茄子作伴碟，味道不錯。下一道係人蔘雞湯。喺韓國同香港嘅韓國餐廳嘅人蔘雞湯都係一鍋上嘅，所以見到呢個係以一個飯碗咁上都幾驚訝。原來呢個唔係主菜。湯底充滿人蔘味，旁邊配上糯米飯，而雞係雞同鴨卷埋一齊嘅卷，完全打破我對人蔘雞湯嘅印象。味道亦同傳
餐廳以簡約嘅裝潢，同木餐桌貫徹「一家人一起用膳」嘅主題。行入餐廳就聽到輕鬆嘅音樂，令人心情輕鬆。店員帶位後就問想飲still定sparking water. 除左set嘅價錢$1398，無論你飲邊種水，每位都會收取$38。以fine dining黎講，價錢合理。
據聞餐廳每季都轉menu,黎嘅時候就係夏天menu. 第一道菜係凍粟米粥配魚子醬。清涼嘅粟米粥配上咸咸嘅魚子醬，味道幾新奇。
之後係墨魚刺身，中間有啲沙參、香梨同青瓜絲，配上韓式辣醬，頗有層次。
接住係飛魚子凍豆湯配麵線。店員會喺你面前刨幾片黑松露喺上面。個人認為只食下面嘅麵線很不錯，連埋黑松露反而有點搶風頭。
然後到季節性燒魚。忘記左記低係咩魚😅魚皮燒到帶點脆口，肉亦冇燒到乾。旁邊有茄子作伴碟，味道不錯。
下一道係人蔘雞湯。喺韓國同香港嘅韓國餐廳嘅人蔘雞湯都係一鍋上嘅，所以見到呢個係以一個飯碗咁上都幾驚訝。原來呢個唔係主菜。湯底充滿人蔘味，旁邊配上糯米飯，而雞係雞同鴨卷埋一齊嘅卷，完全打破我對人蔘雞湯嘅印象。味道亦同傳統唔同，但係好食嘅新鮮感。
終於輪到主菜，係傳統韓式鍋裡有鮑魚，三種牛嘅部分: 牛肋骨、牛舌、牛骨，同埋一啲配料。係我最喜歡嘅一道菜。牛嘅味道相當濃郁，湯底亦食到黏口膠質感，可想而知湯底材料豐富。另外有拌飯，索埋啲湯食，非常好味。一入餐廳同朋友傾點解冇前菜，原來伴隨呢個鍋一齊上。食完呢個鍋，我同朋友都八成飽了。
食甜品前，先食提子雪葩清清口。除左提子雪葩，仲有提子啫喱，提子果肉，酸酸地，中和剛才牛骨鍋嘅油膩感。
甜品我地點左白米雪糕同加$78大醬creme brulee. 兩款都有𡁻口，加上配料更豐富口感。
由於我朋友生日，訂座嘅時候remark左寫 happy birthday. 原來餐廳會額外送一個泡芙寫上 happy birthday, 加上親手寫嘅生日卡，別具心思。
張貼
