影片
更多
2020-03-14
5162 瀏覽
茹絲葵牛排餐廳 #金鐘❗️超傳統美式老店扒房❗️金鐘呢間傳統美式老扒房係我由細到大一直好想試嘅餐廳😍平時晚市要成$900，咁啱前排Restaurant week, $398/1就食到3 course，即刻book咗位😆成間餐廳無論係裝修定係食物果然好有美式嘅感覺，仲洋溢着牛油嘅香氣🧈垂涎三尺。先來頭盤，另外仲會有一條法包。Carpaccio🐮Served with Parmesan cheese, fresh black pepper and ceased 生牛肉🥩配上芝士醬🧀牛肉切到薄薄一片，近乎入口即溶，配上鹹香嘅芝士醬同埋黑椒，滋味無比！味道: 4.2/5Crab and corn chowder🍲用上蟹肉、粟米、洋蔥、蜆肉等食材整成嘅周打湯。雖然用上粟米，但個湯本身並無粟米味，而係香濃嘅海鮮忌廉香🤤啱晒我呢啲唔鍾意食粟米嘅人。味道: 4/5嚟到扒房又點可以唔食佢哋最出名嘅牛扒呢Petite fillet🥩Corn fed premium USDA Beef 用上最高質嘅USDA牛，雖然Restaurant week只係包4 oz，份量的確有啲細，但已經足以令我品嚐到佢有幾好味🤩用牛
❗️超傳統美式老店扒房❗️
金鐘呢間傳統美式老扒房係我由細到大一直好想試嘅餐廳😍平時晚市要成$900，咁啱前排Restaurant week, $398/1就食到3 course，即刻book咗位😆成間餐廳無論係裝修定係食物果然好有美式嘅感覺，仲洋溢着牛油嘅香氣🧈垂涎三尺。
先來頭盤，另外仲會有一條法包。
Carpaccio🐮
Served with Parmesan cheese, fresh black pepper and ceased
生牛肉🥩配上芝士醬🧀牛肉切到薄薄一片，近乎入口即溶，配上鹹香嘅芝士醬同埋黑椒，滋味無比！
味道: 4.2/5
Crab and corn chowder🍲
用上蟹肉、粟米、洋蔥、蜆肉等食材整成嘅周打湯。雖然用上粟米，但個湯本身並無粟米味，而係香濃嘅海鮮忌廉香🤤啱晒我呢啲唔鍾意食粟米嘅人。
味道: 4/5
嚟到扒房又點可以唔食佢哋最出名嘅牛扒呢
Petite fillet🥩
Corn fed premium USDA Beef
用上最高質嘅USDA牛，雖然Restaurant week只係包4 oz，份量的確有啲細，但已經足以令我品嚐到佢有幾好味🤩用牛油去煎，其後再放上牛油喺面，所以成塊牛扒都充滿着牛油嘅香氣🧈而且本身牛味好濃，唔需要加額外嘅調味料已經非常美味❗️另外仲好貼心咁連隻碟都係非常之熱，不過就會令到牛肉更熟🙈本身嗌左五成熟，擺一陣就變咗七成，但出乎意料地口感依然好好，質地有少少呈絲狀，有咬口得來但唔會覺得乾或者鞋。的確係一塊無論味道定係口感都高質嘅牛扒❗️如果你鍾意重牛味同埋有少少咬口嘅牛扒就一定要試！
味道: 4.2/5
Sizzling Blue Crab Cake🦀
Two jumbo lump crab cake with sizzling butter
令一個佢哋嘅經典菜式🤩用上牛油煎到外層微脆，香氣撲鼻，食之前再加上少許檸檬汁。蟹餅本身用上大量蟹肉堆砌而成，神奇地內裏係有少少流質、creamy嘅感覺，應該係用上蛋黃醬芝士等製成，的確好美味！
味道: 4.4/5
每人仲有一個配菜，我哋每款揀咗一個。
Sides
Mashed potato🥔
奶香味甚重，成個薯蓉非常之creamy，真係滑到不得了！
味道: 4/5
Creamed spinach🥗
忌廉菠菜同樣美味無比，煮到淋晒嘅菠菜加上忌廉汁，輕鬆清晒成碟！
味道: 4.3/5
最後嚟到甜品，經典嘅款式，味道出奇地好！
Dessert
Mini New Orleans Cheesecake🍰
呢個紐約芝士蛋糕夠晒rich夠晒creamy🤤特別欣賞佢面頭仲加上雲呢拿醬，令到成個味道豐富左好多❗️此外佢個餅底亦都做得好好，平衡晒消化餅味、牛油味同埋香脆嘅口感。
味道: 4.3/5
Chocolate ice cream🍨
呢個朱古力雪糕本身以為普普通通，點知都有驚喜喎🤩用上香醇嘅黑朱古力整成🍫味道同haagan dazs嘅比利時朱古力味有啲相似，但勝在入面嘅朱古力塊更大更多，朱古力控一定滿意！
味道: 4.1/5
整體性價比: 4/5 (restaurant week)
整體來講食物嘅質素全部都係水平之上🥰每一道菜都做到好高嘅水準，只係份量有少少細，並唔係平價餐廳，性價比冇咁高🙈但入面嘅服務質素真係好高，全部侍應都好非常熟悉菜式，完全有賓至如歸嘅感覺。
張貼
