綠林甜品

營業中

休息中

今日去深水埗買電話殻，熱熱哋想食碗冰凍糖水，記得上次行銅鑼灣，有個亞姐派傳單，話綠林開咗間新店，嗰日已經想試，點知掛住行街最後唔記得咗，難得今日到深水埗，緊係要幫襯啦，入到店，發覺除咗食開嗰啲傳統糖水外，都多咗好多新款式但望來望去，都係揀番舊式糖水，要咗一碗凍木瓜雪耳，同一碗熱紅豆沙溝芝麻糊兩碗糖水都好好味，凍嘅夠凍，熱嘅夠熱，木瓜糖水啲木瓜好甜，好新鮮，糖水唔會太甜，啱啱好，有種清甜嘅感覺，紅豆沙啲紅豆咬落唔硬，加芝麻糊後更加香口，而且價錢更加貼地！