劉森記麵家 (桂林街)

營業中

休息中

在黃金商場附近逛街一會兒，已覺得非常肚餓，係時候找間食肆開餐啦，劉森記係我其中心水食肆之一！劉森記已超過六＋年，佢仍能保持傳統的口味。當你進入去，會發現每張枱都有一樽自家醃製的酸辣籮蔔，聽聞係以前嘅雲吞麵檔的慣例，俾食客嘅開胃前菜；蘿蔔非常好味，酸甜得嚟又非常爽脆，而且係免費任食，老闆真係非常濶佬，現在係香港社會有幾多間舖可以搵到及食到呢？ 今次我點了蝦子冬茹水餃撈麵及雲吞水餃相拼 劉森記嘅麪條係遵從傳統的竹升靱製，加上鴨蛋搓粉，食落有很香的蛋味；口感帶有爽滑的感覺，而且麵條上灑上密密的蝦子，加上香滑的炆冬茹，簡直可以再來一碟。另跟隨撈麵送上的麵湯，係傳統雲吞湯的烹調法，加上滿滿的韮黄，很好味。佢哋嘅雲吞，體積好似成粒乒乓球，係用免治豬肉加上爽脆的蝦肉而成，混入大地魚粉調味，食落能令餡料帶出豬肉的鮮味，正正正！不過佢嘅水餃係我及媽咪嘅至愛，體形非常大隻，而佢嘅餡料亦唔簡單，除了有主要的免治豬肉及爽脆的蝦肉外，還有筍絲、冬茹絲及黑木耳絲，口感非常豐富及複雜，有軟滑及爽脆的感覺同時存在，令人回味！。