金子半之助 (新都會廣場) (已結業)

呢日帶朋友黎食呢間我一直都好推薦既飯堂，主打食天婦羅丼既 #金子半之助 🍱🥰 因為呢度既天婦羅做法比較正宗，將以前江户時代既傳統做法重新呈現，師傅首先會將新鮮炸起既食材放上天丼既飯面，然後再淋上天丼醬汁，咁每件天婦羅都可以沾到醬汁，所以傳統嘅天婦羅其實並唔似坊間一般既天婦羅咁脆口🤓🐟🍱江戸前天丼($138)每次嚟到呢度最最最最最鍾意就係呢個江戶前天丼，因為有我最愛既天婦羅穴子🐟🥰 佢呢度既招牌穴子天婦羅有成30cm咁長，足料到爆😍 穴子炸到外脆內軟，肉質肥美軟滑，食到濃厚既嘅魚香🤤 另外海老就加錢升級左佢哋期間限定嘅車海老(加$38)，蝦肉更多同更鮮味🙈 丼飯仲有小柱魷魚天婦羅餅、溫泉蛋、海苔及莢碗豆，由第一次食魷魚餅就一試愛上，雖然佢味道較淡，但超有口感！温泉蛋既蛋汁再混合古早秘傳醬汁，撈埋飯真係好好味🤤🤤🦐🍱上天丼($118)友人就叫左呢個上天丼，同江户前天丼唔同既係主菜係赤甘鯛，鯛魚份量都唔少，魚肉好厚身，魚味好濃，肉質嫩滑鮮味🤓 另外再加左菌菇天婦羅($18)，都係好香脆，好食☺️