酒津

營業中

休息中

我同男朋友誤打誤撞黎到酒津，撞正有8折優惠，仲要食物質素都高質，店員服務態度好友善，大推！🥴免治雞肉棒雞肉棒有咬口，唔會一咬就散，本身調左味，再配埋蛋黃同醬油，味道帶甜甜，幸福感100up+🥴日式炒炒菜好有鑊氣，蔬菜既朋友可以叫一碟🥗牛舌有2款，其中1款係鐵板（偏冧），我地叫左爽啲個款，厚得黎爽口彈牙，唔洗加任何調味料都好夠味，鍾意食牛舌既朋友就一定要叫🤩安格斯牛小排油脂好香，但唔會係肥野，而且肉質嫩，帶有蔥花，味道更凸出🤤都係必食散嗌左啲壽司包括有左口魚邊、吞拿魚、帶子、蟹膏，左口超級推薦🫶🏻入口即溶，好重魚既油香味，而且對得住個價錢，大大塊，encore 了🥴吞拿魚就係男友既encore，其他都正常發揮鯛魚燒伴雪糕鯛魚燒係即叫即整，所以要即刻食會好食啲，外脆入面有好多紅豆蓉配埋抹茶雪糕同紅豆粒，簡直係抹茶紅豆界嘅天堂，抹茶味唔算甘，亦唔會過甜，拿捏到啱啱好，熱辣辣嘅鯛魚燒配雪糕，想食甜品一定要試下🤤簡直圓滿🫶🏻石榴汁男友叫左石榴汁，味道酸酸甜甜，可以解膩，我就還好，飲返茶會好啲🤣