健康工房 - 五季甜悅

營業中

休息中

每次行過Aeon都好想試下食健康工房嘅午餐，見佢又有碗麵，又有甜品，又有杯茶，都係六十幾蚊，幾抵食！今次叫咗雞絲松茸煨麵套餐。甜品有三樣嘢可以揀(芝麻糊，杏仁糊同龜苓膏)。因為最近好熱氣，所以甜品揀咗龜苓膏，份量都唔少。大概五分鐘就送餐。嗰餐黎到，估唔到賣相都幾好喎！最搞笑嘅係佢哋嗰煨麵唔係真係煨麵，原來係烏冬嚟嘅，烏冬好彈牙！要讚嘅係嗰湯，嗰湯勁正，好甜呀，最後成碗湯比我飲晒！另外，湯麵可以揀辣或者唔辣菜甫，加咗落個湯度啲味真係香啲，不過我覺得啲菜甫有啲乾。不過啲雞絲有啲少，有兩三條😂 好彩啲菇夠多，味道都入味！