影片
更多
2021-05-24
21 瀏覽
今日試左間好特別既餐廳, 係印度菜, 仲要係主打低卡健康既印度菜!!😱😱聽朋友介紹, 搵到呢個餐廳, 老闆係印度人, 本身都有一間餐廳, 不過最近試推新店新菜單。 餐廳裝修好靚㗎, 可以打下卡, 又暗暗地靜靜地咁, 傾計都好合適~一坐低店員就拎左小食同餐牌俾我地。因為對印度菜真係唔熟, 所以有個香港女仔超仔~細咁同我地介紹MENU.😊😊😊其實都係聽一半明一半, 因為好多食材都好少接觸, 所以每樣都想試下。 Mushroom Soup ($52)❤️❤️❤️❤️❤️好特別既蘑菇湯~唔似西式咁CREAMY, 都有蘑菇湯口感, 不過都好重胡椒味, 少少香辣感, 好鍾意, 一個人飲晒都唔會覺得好飽~~ Fig Salad ($65) 無花果沙律❤️❤️❤️❤️❤️沙律菜, 配埋車厘茄, 紅石榴, 最最最鍾意既反而係個D芝士, 話係一種印度芝士, 唔會溶。口感軟, 好香好好味, 一盤得5粒咋, 要搶住食!! Miso Chicken with Soba Noodles and Broccoli ($145)❤️❤️❤️麵味道好淡, 可能係煮法或者麵質同香港食開唔同, 比較粉D, 唔係日式冷麵既口感黎㗎~~要配埋雞一齊食咁
聽朋友介紹, 搵到呢個餐廳, 老闆係印度人, 本身都有一間餐廳, 不過最近試推新店新菜單。
餐廳裝修好靚㗎, 可以打下卡, 又暗暗地靜靜地咁, 傾計都好合適~
一坐低店員就拎左小食同餐牌俾我地。
因為對印度菜真係唔熟, 所以有個香港女仔超仔~細咁同我地介紹MENU.😊😊😊
其實都係聽一半明一半, 因為好多食材都好少接觸, 所以每樣都想試下。
Mushroom Soup ($52)❤️❤️❤️❤️❤️
好特別既蘑菇湯~唔似西式咁CREAMY, 都有蘑菇湯口感, 不過都好重胡椒味, 少少香辣感, 好鍾意, 一個人飲晒都唔會覺得好飽~~
Fig Salad ($65) 無花果沙律❤️❤️❤️❤️❤️
沙律菜, 配埋車厘茄, 紅石榴, 最最最鍾意既反而係個D芝士, 話係一種印度芝士, 唔會溶。口感軟, 好香好好味, 一盤得5粒咋, 要搶住食!!
Miso Chicken with Soba Noodles and Broccoli ($145)❤️❤️❤️
麵味道好淡, 可能係煮法或者麵質同香港食開唔同, 比較粉D, 唔係日式冷麵既口感黎㗎~~要配埋雞一齊食咁就岩岩好。 雞個個MISO醬唔錯幾好味~~
Chicken Quinoa Biryani with Cucumber Raita ($145)❤️❤️❤️❤️❤️
呢個真係超好食~~~本來係因為唔知揀咩好, 然後見到係推介就叫黎試下, 好似係用煮印度香飯既做法黎處理藜麥。
估唔到藜麥煮完會咁香咁好食, 每啖都好爽口之餘, 我覺得口感好似無限多既蟹籽。好爽!!😱😱
配埋個乳酪汁好好味呀!! 係臥虎藏龍之選!! 必食~~~😍😍
Lemon Tart ($15)❤️❤️❤️❤️❤️
呢個撻偏實D, 細細件, 想倀少少甜品就岩晒, 重點係個CREAM實在太好味, 第一次食舊CREAM大過個TART, 唔想肥既份量算完美!!!🤤🤤
埋單既時候, 店員妹妹仲問我地要唔要試下一種印度人好鍾意既餐後清新小食(!?), 係將好多種NUTS撈埋, 一下放入口, 粗初初佢俾左一大匙我, 後面老闆笑住話唔好咁多呀, 叫我地試左先, 我自己覺得有少少薄荷味, NUTS口感, 再加D香草味。不過我男朋友完全接受唔到😂😂。
各位可以到時試下, 好特別
張貼
