hōmu by favilla (已結業)

愉景新城呢間Homu by Favilla環境好舒服，坐得好闊落，食物都有番相當質素，好出色！我地先叫佐雜錦吉列湯烏冬🍜雜綿吉列炸物就係吉列炸蝦，吉列生蠔，明太子雞翼，好豐富！每一樣炸物都好酥脆，蝦就蝦肉彈牙，生蠔就肥美鮮嫩，雞翼入面就有滿滿既明太子，咸香味十足，雞肉又嫩，好食！烏冬都好煙韌，好好味呀！之後我地叫埋好健康既煙三文魚藜麥沙律配是日餐湯🥗煙三文魚好鮮味好好食，藜麥沙律真係好健康，啲菜都好新鮮，岩晒想食健康啲既女仔！最後飲埋Strawberry Green Tea，原個茶壺上枱，茶味好濃，士多啤梨味又唔會搶佐茶既味，好解渴好好飲🫖