馬祖台灣養生湯麵館 (和安里)

營業中

休息中

今日放學之後，朋友話想食啲養生嘅藥膳湯，就帶左我黎呢間馬祖台灣養生湯麵館啦。我地每人叫左款米線，同埋為左健康，每人都加左碟菜。同埋為食嘅我想食墨魚春卷，就加左一份啦。藥膳麻油雞米線（走芫荽）$66呢個係朋友食嘅，一打開蓋就聞到勁香麻油味。朋友都一路食一路大讚美好有麻油味。湯底係藥膳湯底，甜甜地有好多紅棗杞子同埋藥材，相當養生。香辣養生湯農場雞米線（走芫荽）$66有得揀大中小辣，我就揀左大辣。一揭開嗰陣，見到個藥膳湯底同朋友個藥膳麻油雞米線湯底一樣，仲以為餐廳比錯咗我。點知原來係有啲辣椒碎係雞肉隔離，攪勻之後，個藥膳湯底甜得黎又辣辣地，幾好食㗎。同埋好欣賞佢呢個辣唔係落紅油嘅辣，健康好多。米線分量好多，雞肉又嫩滑，有雞味，好食。上湯浸時蔬 $22其實湯底都係藥膳湯底，菜係生菜，索晒藥膳湯嘅味道，好食。藥膳上湯墨魚春卷（六粒）$30墨魚春卷有六條，口感彈牙幾好食。食完都覺得自己健康咗，下次可以再食。