影片
更多
2021-06-11
80 瀏覽
呢間位於D2 Place嘅餐廳每次經過都好想試。可以DIY自選組合，亦可以揀佢配搭好嘅款式。種類非常多亦都好特別，要揀魚生/肉，再揀配菜同底層。底層提供喺外面好少見嘅選擇，除咗白飯同沾烏冬，仲可以揀健康嘅糙米飯、沙律同黃薑椰菜花，建議減緊肥嘅女士可以試黃薑椰菜花，減少碳水化合物又飽肚。夏威夷海浪三文魚($66)海浪三文魚係醬油漬三文魚，加上彩虹配料有青瓜、蕃茄、甜椒，底層揀咗沾烏冬。三文魚好香好入味，配料爽口健康，烏冬好香麻油味，成個組合好match，爽脆嘅配料感覺好清新，而且烏冬係贊歧烏冬。撈埋嚟食有幾種唔同嘅口感，絕對會推介俾朋友去試!
張貼
