Mr.W 即烘蛋糕

營業中

休息中

成日食咁多古早味蛋糕都覺得有啲唔健康，奈何我又好鍾意食古早味蛋糕。好彩發現到呢間有啲似古早味蛋糕但又唔係古早味蛋糕嘅健康口味蛋糕。口味有四款選擇，分別係棗蓉味、栗子味、無花果味同埋原味鮮奶蛋糕。四款都好吸引，選擇困難嘅我索性就雙拼咁買左兩盒，咁就可以試齊曬四款。棗蓉味一放落口就會感受到棗嘅香氣，食落唔會太甜，亦會食到少少棗蓉。無花果味食到好多細細粒嘅無花果籽，仲有啲無花果。呢個蛋糕口味好清新之餘口感亦都比較豐富。原味鮮奶無論係蛋香定奶香都好重，亦係口感最鬆軟嘅一款。栗子味係原味嘅蛋糕加上一層厚厚嘅栗子蓉同埋栗子粒。栗子蓉唔會太甜，好香栗子味，我好鍾意呢款。每款口味都口感好鬆軟，好好食。有古早味蛋糕嘅優點，但又唔會油膩，冇古早味蛋糕嘅缺點，真係好。